अमेरिकेने इराणवर केलेल्या हल्ल्यानंतर आता सीरियातील अमेरिकेच्या लष्करी तळावर हल्ला करण्यात आला आहे. याबाबत इराणी माध्यमांनी सोमवारी वृत्त दिलं आहे की, सीरियातील अमेरिकेच्या लष्करी तळावर हल्ला करण्यात आला आहे. अमेरिकेच्या बी-2 बॉम्बर हल्ल्याच्या 36 तासांनंतर सीरियातील अमेरिकेच्या तळावर हा हल्ला झाला आहे.
या हल्ल्यामागे इराण असल्याचं बोललं जात आहे. मात्र इराणने या हल्ल्याची जबाबदारी अद्याप स्वीकारलेली नाही. मात्र इराणने याआधी अमेरिकेला युद्धात उडी मारली तर ते मध्य पूर्वेतील त्यांच्या लष्करी तळांना लक्ष्य करेल, असा इशारा दिला होता.
इराणमधील Mehr News ने सूत्रांच्या हवाल्याने वृत्त दिलं आहे की, सीरियाच्या पश्चिम हसाका प्रांतातील एका भागात अमेरिकेच्या लष्करी तळाला लक्ष्य करण्यात आले. हल्ल्यानंतर मुख्य प्रवेशद्वारावर कडक सुरक्षा व्यवस्था ठेवण्यात आली आहे.
दरम्यान, याआधी संयुक्त राष्ट्रांमधील इराणचे राजदूत अमीर सईद इरावनी यांनी तीन लक्ष्यांवर प्रतिहल्ला करण्याचे संकेत दिले होते. इरावनी म्हणाले होते की, अमेरिकेने आमचे जितके नुकसान केले आहे, तितकेच आम्ही त्यांचे नुकसान करू. यामुळेच सीरियातील अमेरिकी लष्करी तळावर इराणने हल्ला केला असावा, असं बोललं जात आहे.
Comment List