Kitchen Cleaning Tips- तुमच्या किचनमधील झुरळांचा कर्दळकाळ आहे हे औषध, फक्त 10 रुपये येईल खर्च

आपल्या किचनची स्वच्छता ही महत्त्वाची आणि गरजेची गोष्ट आहे. किचनमध्ये अन्नपदार्थ शिजवत असल्यामुळे, किचनची स्वच्छता ही प्राधान्याने व्हायलाच हवी. खासकरुन आपल्या किचनमधील झुरळे ही सर्वांसाठी डोकेदुखी ठरते. झुरळ स्वयंपाकघर, बाथरूम, कपाट अशा ठिकाणी वेगाने पसरतात आणि साफसफाई करूनही ते जात नाहीत. तुम्ही वारंवार कीटकनाशके फवारुन वैतागले असाल तर आता फक्त हा 10 रुपयांचा उपाय करुन बघा.. झुरळे पळतील कायमची दूर.

झुरळांसाठी सर्वात प्रभावी उपाय म्हणजे बोरिक पावडरचा वापर करणे. मेडिकल स्टोअरमध्ये छोटी बोरिक पावडरची पुडी ही अंदाजे 10 रुपयांना मिळते. या पावडरची खासियत अशी आहे की, ती झुरळाच्या शरीरात प्रवेश करते आणि आतून त्याला मारते.

बोरिक पावडर प्रभावी का आहे?

झुरळ बोरिक पावडरजवळ येतो तेव्हा ते त्याच्या पायांना आणि शरीराला चिकटते. काही तासांतच त्याचा मृत्यू होतो. एवढेच नाही तर जेव्हा झुरळ मरतो तेव्हा इतर झुरळे ते खातात आणि विष त्यांच्या शरीरातही जाते. अशाप्रकारे संपूर्ण झुरळं नष्ट होतात.

कसे वापरायचे?

बोरिक पावडर एका कागदावर ठेवून ती ओट्याखाली किंवा बेसिनखाली ठेवून द्यावी.

घराच्या ज्या ठिकाणी झुरळे वारंवार दिसतात, जसे की सिंकखाली, रेफ्रिजरेटरच्या मागे, बाथरूमचे कोपरे आणि कपाटांच्या आत अशा ठिकाणी बोरिक पावडर ठेवावी.

बोरिक पावडरपासून मुलांना आणि पाळीव प्राण्यांना दूर ठेवा.

परिणाम टिकवून ठेवण्यासाठी दर 2-3 दिवसांनी पावडर पुन्हा टाकत राहा.