जिंकू किंवा मरू….मात्र आता ध्येयपूर्ती झाल्याशिवाय थांबणार नाही; नेत्यानाहू यांची घोषणा

इराण-इस्रायल युद्धाची तीव्रता वाढत असतानाच त्यात अमेरिकेनेही उडी घेतल्याने संघर्ष आणखी तीव्र झाला आहे. या युद्धात इस्रायल किंवा इराण कोणीही माघार घ्यायला तयरा नसल्याने हे युद्ध लांबण्याची शक्यता निर्माण झाली आहे. ही आमच्या अस्तित्वाची लढाई असून इराणच्या अण्वस्त्र कार्यक्रमामुळे आमच्या अस्तित्वालाच धोका निर्माण झाला आहे. त्यामुळे आता जिंकू किंवा मरू…कितीही काळ युद्ध चालले तरी चालेल मात्र आता ध्येय साध्य झाल्याशिवाय युद्ध थांबवणार नाही, असा इशारा इस्रायलचे पंतप्रधान बेंजामिन नेतन्याहू यांनी दिला आहे. त्यामुळे हे युद्ध लांबण्याची शक्यता निर्माण झाली आहे.

आम्ही आमचे ध्येय साध्य करण्याच्या दिशेने टप्प्याटप्प्याने पुढे जात आहोत. इस्रायल इराणच्या बॅलिस्टिक क्षेपणास्त्रे आणि अणु कार्यक्रमाच्या दुहेरी धोक्यांना दूर करण्याचे आपले ध्येय पूर्ण करण्यावर ठाम आहे. त्यामुळे आता हे ध्येय पूर्ण झाल्याशिवाय हे युद्ध थांबणार नाही, असे त्यांनी संपष्ट केले. आम्ही विनाकारण युद्ध सुरू केलेले नाही. हा आमच्या अस्तित्वाचा प्रश्न आहे. त्यामुळे आता आम्ही थांबणार नाही, असे ते म्हणाले.

आमचे ध्येय साध्य झाल्यावर आम्ही युध्द वाढवणार नाही. आम्हाला विनाकारण युद्ध नको आहे. त्यामुळे आवश्यक असलेल्या गोष्टींपेक्षा आम्ही जास्त करणार नाही. मात्र, इराणच्या प्रतिहल्ल्याने हे युद्ध लांबण्याची शक्यता आहे. तसेच इराणचा इस्रायलसह जगाला धोका आहे. त्यामुळे उद्दिष्टे साध्य होतील, तेव्हा ऑपरेशन पूर्ण होईल आणि लढाई थांबेल, असे त्यांनी सांगितले.

इराणमधील ही राजवट आम्हाला नष्ट करू इच्छिते आणि म्हणूनच आम्ही आमच्या अस्तित्वाला असलेले धोके दूर करण्यासाठी ही कारवाई सुरू केली. त्यात अण्वस्त्र आणि बॅलिस्टिक क्षेपणास्त्रांचा मोठा धोका आहे.. आम्ही ही उद्दिष्टे साध्य करण्याच्या दिशेने टप्प्याटप्प्याने पुढे जात आहोत. आम्ही ते पूर्ण करण्याच्या अगदी जवळ आहोत,” असे ते म्हणाले. त्यांच्या या वक्तव्यावरून हे युद्ध तीव्र होण्याची आणि लांबण्याची शक्यता वर्तवण्यात येत आहे.