अमेरिकेचे उपराष्ट्राध्यक्ष जेडी व्हॅन्स यांनी इराणवर झालेल्या अमेरिकन हवाई हल्ल्यानंतर पहिले अधिकृत वक्तव्य जारी केले आहे. ते म्हणाले आहेत की, अमेरिकेने इराणचा अणुकार्यक्रम अनेक वर्षे मागे ढकलले आहे. हा हल्ला अमेरिकेच्या गुप्तचर यंत्रणांकडून मिळालेल्या ठोस माहितीच्या आधारे करण्यात आला.
जेडी व्हॅन्स म्हणाले आहेत की, “इराणवर हवाई हल्ला करण्याचा अंतिम निर्णय अगदी शेवटच्या क्षणी घेण्यात आला. या कारवाईमुळे इराणचा अणुकार्यक्रम अनेक वर्षे मागे गेला आहे”. ट्रम्प प्रशासनाचा इराणमध्ये जमीनी सैन्य पाठवण्याचा कोणताही इरादा नाही, असेही त्यांनी सांगितले.
व्हॅन्स यांनी पुढे म्हटले की, अमेरिका इराणशी दीर्घकालीन तोडगा काढण्यासाठी चर्चा करण्यास इच्छुक आहे. तसेच आम्ही कोणत्याही परिस्थितीला तोंड देण्यासाठीही तयार आहोत. आम्हाला इराणमध्ये सत्तापालट नकोय,” असेही त्यांनी स्पष्ट केले. हा संघर्ष फार काळ टिकणार नाही आणि तो वाढू नये यासाठी प्रयत्न केले जातील, असेही ते म्हणाले.
Comment List