बोर्डिंग डेडलाइन चुकली, विमान पकडण्यासाठी पठ्ठ्या चक्क रनवेवर धावला; मुंबई विमानतळावरील खळबळजनक प्रकार

मुंबई विमानतळावर एक खळबळजनक प्रकार उघडकीस आला आहे. बोर्डिंग डेडलाइन चुकल्याने एक तरुण विमान पकडण्यासाठी चक्क रनवेवर धावल्याची घटना घडली आहे. पियुष सोनी असे या तरुणाचे नाव आहे. विमानतळ पोलिसांनी त्याला अटक केली आहे.

पियुष हा कळंबोली येथील रहिवासी असून तो एअर इंडियाच्या विमानाने पाटण्याला चालला होता. यासाठी सकाळी 9.50 वाजता तो छत्रपती शिवाजी महाराज आंतरराष्ट्रीय विमानतळावर पोहचला. मात्र त्याला विमानतळावर पोहचायला उशीर झाल्याने त्याची बोर्डिंग डेडलाइन चुकली.

विमान उड्डाण घेत असल्याचे समजताच पियुषने गेट क्र 42 आणि 43 दरम्यानच्या आपत्कालीन गेटमधून आतमध्ये प्रवेश केला. यानंतर तो सुरक्षारक्षकांना चकवून रनवेवर धावत विमानाचा पाठलाग करू लागला. मात्र पियुष ज्या विमानाच्या मागे धावत होता ते गुजरातमधील भुज येथून आले होते.

सुरक्षा रक्षक आणि सीआयएसएफने पियुषला ताब्यात घेतले. कायद्याचे उल्लंघन केल्याबद्दल पियुषवर गुन्हा दाखल करण्यात आला असून त्याची न्यायलयीन कोठडीत रवानगी करण्यात आली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.