IND Vs ENG 1st Test – क्रिकेटविश्वावर शोककळा; इंग्लिश क्रिकेटचा अग्रणी हरपला, दोन्ही संघांनी वाहिली श्रद्धांजली

टीम इंडिया आणि इंग्लंड यांच्यामध्ये पाच सामन्यांच्या कसोटी मालिकेतील पहिला कसोटी सामना लीड्स येथे सुरू आहे. या कसोटी सामन्यातील तिसऱ्या दिवशी एक दु:खद बातमी समोर आली आहे. इंग्लंडचा माजी वेगवान गोलंदाज आणि पहिला ब्रिटिश वंशाचा कृष्णवर्णीय खेळाडू डेव्हिड लॉरेन्स यांचे वयांच्या 61 व्या वर्षी निधन झाले आहे. यामुळे दोन्ही संघाचे खेळाडू दंडाला काळ्या पट्ट्या बांधून मैदानातर उतरले व डेव्हिड लॉरेन्स यांना श्रद्धांजली वाहिली.

आपल्या छोट्याशा कारकिर्दीती आपल्या खेळाची छाप फाडणारा खेळाडू म्हणून डेव्हिड लॉरेन्स यांची ख्याती होती. ग्लॉस्टरशायर आणि इंग्लंडसाठी त्यांनी वेगवान गोलंदाजी केली. वेगवान गोलंदाजी आणि अचूक माऱ्यासाठी ते ओळखले जात होते. परंतु दुखापतीमुळे त्यांची आंतरराष्ट्रीय कारकिर्दी इतर खेळाडूंप्रमाणे बहरली नाही. डेव्हिड लॉरेन्स यांनी 1988 मध्ये इंग्लंडकडून आंतरराष्ट्रीय स्तरावर पदार्पण केलं. त्यांनी आपल्या आंतरराष्ट्रीय कारकिर्दीमध्ये पाच कसोटी सामने खेळले असून 18 विकेट घेतल्या आहेत. तसेच एकमेव वनडे सामन्याच चार विकेट त्यांच्या नावावर आहेत. डेव्हिड लॉरेन्स यांनी प्रथम श्रेणी क्रिकेटमध्ये एकूण 515 आणि लिस्ट ए मध्ये 155 गडी त्यांनी तंबूत धाडले आहेत. 1992 मध्ये न्यूझीलंडविरुद्ध कसोटी सामन्यात त्याच्या गुडघ्याला मोठी दुखापत झाली. यामुळे त्यांची आंतरराष्ट्रीय कारकीर्द संपूष्टात आली.

इंग्लंडच प्रतिनिधीत्व करणारा पहिला ब्रिटीश वंशाचा कृष्णवंशीय खेळाडू म्हणून त्यांची नोंद ब्रिटिश क्रिकेटच्या इतिहासात कायम राहिल. ECB चे अध्यक्ष रिचर्ड थॉम्पसन यांनी डेव्हिड लॉरेन्स यांचे वर्णन “इंग्लिश क्रिकेटचा एक अग्रणी, ज्यांचा वारसा खेळावर प्रेम करणाऱ्या सर्वांच्या हृदयात कायम राहिली.” असे केले आहे.