हिंदुस्थानात जाणाऱ्या महिलांनी सुरक्षेची काळजी घ्यावी, ट्रम्प प्रशासनाच्या अमेरिकन नागरिकांना मार्गदर्शक सूचना

इराण-इस्रायलमध्ये अमेरिकाही सहभागी झाल्याने जगावर महायुद्धाचे सावट घोंघावू लागले आहे. अमेरिकेने केलेल्या हल्ल्यामुळे तणाव आणखी वाढला असून काहीतरी मोठे घडण्याची भीती व्यक्त केली जात आहे. अशातच अमेरिकेतली ट्रम्प प्रशासनाने हिंदुस्थानला भेट देणाऱ्या अमेरिकन नागरिकांसाठी मार्गदर्शक सूचना जारी केली आहे.

हिंदुस्थानला भेट देणाऱ्या अमेरिकन नागरिकांसाठी अमेरिकेच्या परराष्ट्र मंत्रालयाने ‘लेव्हल-2’ची ट्रॅव्हल मार्गदर्शक सूचना जारी केली आहे. यात अमेरिकन नागरिकांनी एकट्याने प्रवास करू नये, विशेष करून महिलांनी एकट्याने प्रवास करू नये असे नमूद करण्यात आले आहे. 16 जून रोजी ही मार्गदर्शक सूचना जारी करण्यात आली होती.

अमेरिकन नागरिकांनी हिंदुस्थानात एकट्याने प्रवास करू नये. विशेषत: महिलांनी हिंदुस्थानात एकट्याने प्रवास करू नये. एकट्याने प्रवास करताना सावधगिरी बाळगावी, असे अमेरिकेच्या परराष्ट्र विभागाने जारी केलेल्या सूचनांमध्ये नमूद केले आहे. हिंदुस्थानमध्ये महिलांवरील लैंगिक अत्याचाराच्या घटनांमध्ये वाढ झाल्याचे म्हणत अमेरिकेने महिलांन काळजी घेण्याचे आवाहन केले आहे. ‘टाइम्स ऑफ इंडिया‘ने याबाबत वृत्त दिले आहे.

हिंदुस्थानमध्ये महिलांच्या अत्याचारात वेगाने वाढ झाली आहे. लैंगिक अत्याचारासह अनेक पर्यटनस्थळी हिंसाचाराच्या घटनाही घडत आहेत. जम्मू-कश्मीर, लडाखमध्ये दहशतवाद, असंतोष खदखदत आहेत. तसेच हिंदुस्थानच्या मध्य पूर्व भागात नक्षलवाद्यांचा प्रभाव आहे. हिंदुस्थानच्या काही भागात खूप बदल होत असल्याने धोका वाढला असून छत्तीसगड, पश्चिम बंगाल, मेघालयमध्ये जाण्याआधी मंजुरी घ्या, असेही अमेरिकेने त्यांच्या सरकारी कर्मचाऱ्यांनी सांगितले आहे. तसेच हिंदुस्थानातून पाकिस्तानमध्ये जातानाही खबरदारी घेण्याचे आवाहन करण्यात आले आहे.

B-2 stealth bomber – इराणमध्ये घुसून हल्ला करण्यासाठी अमेरिकेनं ‘बी-2 बॉम्बर’ विमानचं का वापरली? जाणून घ्या वैशिष्ट्य…

गर्दीची ठिकाणं टाळा. दहशतवादी पर्यटन स्थळ, मार्केट, शॉपिंग मॉल, सरकारी संस्थांना लक्ष्य करतात. त्यामुळे हिंसाचारग्रस्त भागात जाताना काळजी घ्या. जम्मू-कश्मीर, हिंदुस्थान-पाकिस्तान सीमेवरील आणि मध्य व पूर्व हिंदुस्थानातील काही भाग असंवेदनशील असून तिथे जाताना काळजी घ्या. बिहार, झारखंड, छत्तीसगड, पश्चिम बंगाल, मेघालय, ओडिशाचा उल्लेख करत या भागात राजधानी व्यतिरिक्त अन्य ठिकाणी प्रवास करण्याआधी कर्मचाऱ्यांनी परवानगी घ्यावी. तसेच हिंदुस्थान-नेपाळ सीमा पार करू नका. हिंदुस्थानातील कायद्यांचे पाल करा आणि स्थानिक रीतिरिवाजांचा आदर करा असेही आवाहन करण्यात आले आहे.

आता शांततेची वेळ आहे, इराणने युद्ध थांबवावे, अन्यथा विनाश अटळ; ट्रम्प यांचा इशारा