इतिहास घडवणारा धाडसी निर्णय, शक्तीनेच शांतता प्रस्थापित होते; अमेरिकेच्या इराणवरील हल्ल्यांनंतर नेत्यानाहू गरजले

अमेरिकेने इराणच्या तीन महत्त्वाच्या अण्विक तळांवर बॉम्बहल्ला टाकल्यानंतर इस्रायलचे पंतप्रधान बेंजामिन नेतन्याहू यांनी प्रतिक्रिया दिली आहे. इतिहास घडवणारा हा धाडसी निर्णय असून आधी शक्ती दाखवली तर शातंता प्रस्थापित होते. शक्तीनेच शांतता प्रस्थापित होते, असे नेत्यानाहू यांनी म्हटले आहे. अमेरिकेने केलेली कारवाई इतिहास बदलणारे धाडसी पाऊल असल्याचे त्यांनी म्हटले आहे. ट्रम्प आणि मी अनेकदा म्हणतो ‘शांतता केवळ शक्तीने येते.’ प्रथम शक्ती दाखवली जाते, नंतर शांतता प्रस्थापित होते. आता अमेरिका थेट या युद्धात उतरल्याने युद्धाची तीव्रता वाढणार आहे.

अमेरिकेने इराणच्या तीन अम्वस्त्र केंद्रावर मोठा हल्ला केला. या हल्ल्यानंतर नेतान्याहू आणि ट्रम्प यांच्यात फोनवरून चर्चा झाली. त्यावेळी नेत्यानाहू यांनी अमरिकेच्या कारवाईबाबत आभार व्यक्त केले. डोनाल्ड ट्रम्प आणि अमेरिकेने प्रचंड ताकदीने इराणवर हल्ले केले. ट्रम्प यांनी फॉक्स न्यूजला सांगितले की फोर्डोवर सहा बंकर-बस्टर बॉम्ब टाकण्यात आले, तर इतर अणुस्थळांवर 30 टोमाहॉक क्षेपणास्त्रे डागण्यात आली.

अभिनंदन, राष्ट्राध्यक्ष ट्रम्प. अमेरिकेच्या अद्भुत आणि नीतिमान सामर्थ्याने इराणच्या अणु सुविधांना लक्ष्य करण्याचा तुमचा धाडसी निर्णय इतिहास बदलेल,असे नेतान्याहू म्हणाले. ऑपरेशन रायझिंग लाईनमध्ये, इस्रायलने सामर्थ्य दाखवले आहे. मात्र, इराणच्या अण्वस्त्र केंद्रावरील कारवाईत अमेरिकेने अतुलनीय धाडस दाखवले आहे. पृथ्वीवरील इतर कोणताही देश करू शकला नाही, ते अमेरिकेने केले आहे. इतिहासात याची नोंद होईल,असे ते म्हणाले.

ट्रम्प यांच्या नेतृत्वाने इतिहास रचला आहे. त्यामुळे आखाती देश आणि त्यापलीकडे समृद्धी आणि शांतीच्या भविष्याकडे नेण्यास मदत करू शकतो. देव अमेरिकेला आशीर्वाद देवो. देव इस्रायलला आशीर्वाद देवो. देव आमच्या अढळ युतीला, आमच्या अतूट विश्वासाला आशीर्वाद देवो,” असे ते म्हणाले.