Air India Crash – अहमदाबाद विमान अपघातात आतापर्यंत 247 मृतदेहांचे DNA जुळले, चित्रपट निर्माते महेश जीरावाला यांचे निधन

गुजरातमधील अहमदाबाद येथे एअर इंडियाच्या विमान अपघातानंतर मृतांची ओळख पटवण्यासाठी डीएनए चाचणी करण्यात आली. या अपघातातील आतापर्यंत 247 मृतदेहांची ओळख पटली असून, त्यातील 232 मृतदेह त्यांच्या नातेवाइकांकडे सोपवण्यातल आले आहे. तर उर्वरित 8 जणांच्या नातेवाइकांचे डीएनए जुळलेले नाहीत म्हणून नवीन डीएनए घेण्यास सांगण्यात आले आहे.

अहमदाबादचे चित्रपट निर्माता महेश जीरावाला यांचेही अपघातात निधन झाल्याचे डीएनए चाचणीमधून स्पष्ट झाले आहे. या अपघातानंतर जरीवाला बेपत्ता होते, या दुर्घटनेत त्यांचा मृत्यू झाला आहे. त्यांचा मृतदेहाची ओळख पटल्यानंतर त्यांचा मृतदेह कुटुंबीयांकडे सोपवण्यात आला आहे.

अहमदाबाद सिव्हिल हॉस्पिटलचे डॉ. राकेश जोशी यांनी माहिती दिली की, शनिवार संध्याकाळपर्यंत 247 मृतदेहांचे डीएनए जुळवून त्यांची ओळख पटवण्यात आली आहे. संबंधित मृतांच्या कुटुंबीयांशी संपर्क साधण्यात आला असन यातील 232 मृतदेह नातेवाइकांना देण्यात आले आहेत. आतापर्यंत ओळख पटवलेल्यांमध्ये 187 भारतीय, 52 ब्रिटिश, 7 पोर्तुगीज आणि 1 कॅनेडियन नागरिकांचा समावेश आहे.

विमान दुर्घटनेनंतर बेपत्ता असलेले गुजराती चित्रपट दिग्दर्शक महेश जीरावाला यांचा मृत्यू झाल्याचे समोर आले आहे. डीएनए चाचणीद्वारे त्यांची ओळख पटवण्यात आली आणि नंतर त्यांचा मृतदेह कुटुंबीयांकडे सोपवण्यात आला आहे. एका अधिकाऱ्याने सांगितले की, 34 वर्षीय जीरावाला आपल्या दुचाकीवरून त्या परिसरातून जात होते, तेव्हाच लंडनला जाणारे विमान एका वसतिगृहावर कोसळले आणि यातच त्यांचा मृत्यू झाला.