ब्राझीलमध्ये हॉट एअर बलूनला भीषण आग, दुर्घटनेत 8 पर्यटकांचा मृत्यू

हॉट एअर बलूनला भीषण आग लागल्याने दुर्घटनेत आठ जणांचा मृत्यू झाला. यात अनेक जण जखमी झाले आहेत. ब्राझीलच्या दक्षिणेकडील सांता कॅटरीना राज्यात शनिवारी सकाळी ही घटना घडली. सांता कॅटरिनाचे गव्हर्नर जॉर्जिनो मेलो यांनी एक्स वर पोस्ट करत घटनेची पुष्टी केली. अपघाताची माहिती मिळताच बचाव पथक तात्काळ घटनास्थळी दाखल झाले.

जॉर्जिनो मेलो यांनी दिलेल्या माहितीनुसार, हॉट बलूनमध्ये 22 पर्यटक होते. सकाळच्या सुमारास उड्डाणादरम्यान पर्यटकांच्या हॉट फुग्याला आग लागली आणि नंतर प्रेया ग्रांडे शहरात तो कोसळला. या अपघातात 8 जणांचा मृत्यू झाला. तर 13 जणांना वाचवण्यात यश आले असून त्यांना उपचारासाठी रुग्णालयात दाखल करण्यात आले आहे. अन्य लोकांचा शोध सुरू आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.