Khed flood news – खेडमधील पूर ओसरला, जगबुडी नदी अजूनही धोका पातळीवर

रत्नागिरी जिल्ह्यातील खेड शहरात आलेला पूर आता ओसरला आहे. शहरात साफसफाईची कामे सुरू झाली असून व्यापाऱ्यांनी आपली दुकाने उघडली आहेत. पूर ओसरला असला तरी जगबुडी नदी धोका पातळीवर वाहत असल्याने नागरिकांमध्ये पुराचा भीती कायम आहे.

गुरुवारी जगबुडी नदीने धोका पातळी ओलांडल्यानंतर खेड शहरात पुराचे पाणी शिरले होते. बाजारपेठेतही पुराचे पाणी शिरल्याने व्यापारी वर्गाचे नुकसान झाले होते. पूर ओसरल्यानंतर परिस्थिती पूर्वपदावर येत असून रस्ते, दुकाने, घरांची साफसफाई सुरू करण्यात आली आहे.

दरम्यान, गेल्या 24 तासात जिल्ह्यात 57.34 मिमी पाऊस पडला. मंडणगड – 144.75 मिमी,खेड – 112.57 मिमी,दापोली – 73.28 मिमी,चिपळूण – 40.89 मिमी,गुहागर – 23.40 मिमी,संगमेश्वर – 54.16 मिमी,रत्नागिरी – 11.66 मिमी, लांजा – 29.80 मिमी , राजापूरमध्ये 25.62 मिमी पावसाची नोंद झाली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.