दोन-तीन वर्षांचे लोकही आज 59 वर्षांचे झाले आहेत – अंबादास दानवे

वर्धापन दिनानिमित्त मुंबई केवळ ठाकरे यांचीच असे बॅनर्स सभागृहाबाहेर लावण्यात आले आहेत. मात्र हे बॅनर्स साफ चुकीचे आहेत. मुंबई हीच केवळ ठाकरे यांची नाही तर पूर्ण महाराष्ट्र ठाकरे यांचा आहे. आज शिवसेनेच्या या वर्धापनदिनी दोन-तीन वर्षांचे लोकही 59 वर्षांचे झाले आहेत. काही लोक येतात आणि जातात, पण शिवसेनेसारख्या 59 वर्षांच्या संघटनेला हे दोन-तीन वर्षांचे लोक संपवू शकत नाहीत, असा टोला विधान परिषदेचे विरोधी पक्षनेते अंबादास दानवे यांनी मिंधे गटाला लगावला. दरम्यान, केवळ आश्वासन देणाऱया महायुती सरकारला जाब विचारणारे ‘क्या हुआ तेरा वादा’ हे मराठवाडय़ापासून सुरू झालेले शेतकऱयांचे आंदोलन आता महाराष्ट्रभरात फैलावणार आहे. युती सरकारने दिलेल्या 25 आश्वासनांपैकी 10 आश्वासने समोर ठेवून सरकारला जाब विचारला जात आहे. यात कर्जमाफी, वीजमाफी असे महत्त्वाचे विषय आहेत. यापुढे आता शेतकऱयांना कर्ज नाकारणाऱया बँकांविरोधात आंदोलन केले जाणार आहे. शेतकऱयांना कर्ज मिळाले पाहिजे. शेतकऱयांचा हा लढा राज्यभरात व्यापक झाला पाहिजे, असे दानवे म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.