शिवसेनेच्या 59व्या वर्धापनदिनी राज्यभरात सामाजिक उपक्रमांचे आयोजन करण्यात आले. यामध्ये गरजूंना मदत, आरोग्य शिबिरे, शैक्षणिक साहित्य वाटप, गुणवंतांचा सत्कार, कर्तबगार महिला-पुरुषांचा सत्कार अशा अनेक लोकोपयोगी कार्यक्रमांचे आयोजन करण्यात आले.
शिवसेना शाखा क्रमांक 206च्या वतीने माजी नगरसेवक सचिन पडवळ यांच्या सहकार्याने शिवडी काळाचौकी प्रभाग क्रमांक 206मधील कर्तबगार महिलांचा सत्कार त्यांच्या घरी जाऊन करण्यात आला. या वेळी महिला उपविभाग संघटिका श्वेता राणे, शाखाप्रमुख बैजू हिंदोळे, महिला शाखा संघटक शुभदा पाटील तसेच शाखेचे स्थानिक पदाधिकारी उपस्थित होते.
शिवसेना परळ शाखा क्र. 203च्या वतीने विभागातील फेरीवाल्यांना छत्रीवाटप करण्यात आले. या वेळी शिवसेना सचिव सुधीर साळवी, आमदार अजय चौधरी, उपविभागप्रमुख पराग चव्हाण, शाखाप्रमुख मिनार नाटळकर, दिव्या बडवे, भारत म्हाडगुत, मुकेश कोळी, रमेश सावंत, प्रभाकर मोरजकर, सूर्यकांत शिंदे, प्रथमेश जगताप, सुधाकर कदम, सुरेश चाचे, शांताराम चव्हाण, सुरेश बावकर आदी उपस्थित होते.
विलेपार्ले पूर्व शिवसेना शाखा क्र 84 च्या वतीने शिवसैनिक, विभागातील नागरिकांना मिठाई वाटप करण्यात आले. या उपक्रमाचे आयोजन शाखाप्रमुख प्रकाश कृष्णा सकपाळ यांनी केले. यावेळी विधानसभा समन्वयक नितीन डिचोलकर उपस्थित होते.
Comment List