पावसाळा सुरु झाल्यावर काहीतरी झणझणीत चमचमीत खाण्याची इच्छा होते. बाहेर मस्त कोसळणारा पाऊस बघितल्यावर, आपल्या घरातही तसाच सुग्रास खमंग झणझणीत बेत व्हायलाच हवा. कोल्हापुरी झणझणीत मिसळ आणि पावसाळा हे समीकरण अगदी फक्कड आहे. म्हणूनच आता घरच्या घरी कोल्हापूरच्या तर्रीवाल्या मिसळ आस्वाद घेण्यासाठी तयार राहा.
मिसळ रेसिपी
साहित्य
मोड आलेली मटकी दोन वाट्या
सुके खोबरे- दीड वाटी किसून घेतलेले
आले- अर्धा इंच
लसूण- 7 ते 8 पाकळ्या
खसखस- 1 चमचा
काळी मिरी- 2 चमचे
धणे- 2 चमचे
कांदे- 3 मध्यम आकाराचे
टाॅमेटो- 2 मध्यम आकाराचे
तेल- 2 चमचे
गरम मसाला- 2 चमचा
घाटी मसाला- दीड चमचा
रंगासाठी कश्मिरी मिरची पावडर- 2 चमचा
कृती-
प्रथम आपण मोड आलेली मटकी स्वच्छ धुवून घ्यावी. त्यानंतर ही मटकी चाळणीत काढून घ्यावी. चाळणीत मटकी उपसून पाणी निथळण्यासाठी ठेवावी.
कमी खर्चात चटपटीत पाणीपुरी करा घरच्या घरी, आता बाहेर जाण्याची गरज नाही!
एका कढईमधे थोडे तेल घालून त्यात सुके खोबरे, आले, लसूण पाकळ्या, तीळ, खसखस, हे सर्व भाजून बारीक वाटून घ्यावे. सुके खोबरे घातल्यास रश्श्याला तर्री मस्त येते.
सुके खोबरे भाजून झाल्यानंतर त्यामध्ये, कांदा, टोमॅटो बारीक चिरून घालावा. हे कांदा खोबरे आणि टाॅमेटो थंड झाल्यावर, मिक्सरमधून फाइन पेस्ट करुन घ्यावे. मिसळसाठी लागणारा मसाला तयार.
एकीकडे कढईमधे तेल गरम करून त्यात हिंग, जीरे, मोहरी, कढीपत्त्याची पाने, घालून फोडणी तडतडल्यावर त्यात बारीक चिरलेला कांदा घालून परतून घ्यावे.
थोडा वेळ परतून झाल्यावर त्यात टोमॅटो घालून परतावे मग लसूण पाकळ्या, खोबरे आले, तीळ, खसखस, धणे, काळी मिरी हे सर्व बारीक केलेले मिश्रण घालून छान परतून घ्यावे मग त्यात मिक्सरमधून बारीक केलेला मसाला घालावा.
मिक्सरमधील मसाला तेलात घातल्यानंतर, त्याला चांगले परतून घ्यावे. या मसाल्याला तेल सुटेपर्यंत चांगले परतवावे. म्हणजे मिसळला रंग चांगला येईल. त्यानंतर त्यात मटकी घालून परतून झाल्यावर त्यात गरम पाणी घालावे.
सर्वात शेवटी चवीनुसार मीठ घालून चांगले ढवळून घ्यावे. मिसळ कधीही मंद आचेवर शिजवावी, म्हणजे त्याला चवही चांगली येते आणि वर मस्त कट येतो.
About The Author
Comment List