विद्याधर चिंदरकर, निगवेकर, तुळशी यांची ‘निवासी संपादक’पदी नियुक्ती

दैनिक ‘सामना’च्या मुंबई आवृत्तीचे सहाय्यक संपादक विद्याधर चिंदरकर, पुणे आवृत्तीचे सहाय्यक संपादक अरुण निगवेकर आणि छत्रपती संभाजीनगर आवृत्तीचे सहाय्यक संपादक गणेश तुळशी यांची ‘निवासी संपादक’पदी नियुक्ती करण्यात आली आहे. दैनिक ‘सामना’चे मुख्य संपादक उद्धव ठाकरे यांच्या संमतीने कार्यकारी संपादक संजय राऊत यांनी मंगळवारी एका बैठकीत या तिघांनाही पदोन्नतीसह नियुक्ती पत्र देऊन त्यांचे अभिनंदन केले.

विद्याधर चिंदरकर, अरूण निगवेकर व गणेश तुळशी हे तिघेही गेल्या 32 वर्षांहून अधिक काळापासून दै. ‘सामना’च्या सेवेत आहेत. उपसंपादक-वार्ताहरपदापासून निवासी संपादकपदापर्यंतच्या काळात या तिघांनीही विविध पदांबरोबरच वार्तांकन, लेखन, संपादकीय संस्कार आणि वृत्तपत्रीय पानांची सजावट इत्यादी जबाबदाऱया पार पाडल्या आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.