भाजप नेते जे. एम. म्हात्रे यांच्या निवासस्थानी ईडीची छापेमारी, जाणून घ्या काय आहे प्रकरण

अलीकडेच भारतीय जनता पक्षात (भाजप) प्रवेश केलेले प्रख्यात ठेकेदार जे. एम. म्हात्रे यांच्या पनवेल येथील निवासस्थानी आज सक्तवसुली संचालनालयाने (ईडी) छापेमारी केली. राखीव वन जमीन बेकायदेशीररित्या संपादित करून ती नॅशनल हायवेज अथॉरिटी ऑफ इंडियाला (एनएचएआय) विकल्याप्रकरणी जे. एम. म्हात्रे यांच्यावर गुन्हा दाखल झाला आहे. या प्रकरणात सरकारची 50 कोटी रुपयांची फसवणूक झाल्याचा आरोप म्हात्रे यांच्यावर ठेवण्यात आला आहे.

दरम्यान, अवघ्या एका महिन्यापूर्वी जे. एम. म्हात्रे आणि त्यांचा मुलगा प्रीतम म्हात्रे यांनी भाजपमध्ये प्रवेश केला होता. या छापेमारीने राजकीय वर्तुळात खळबळ उडाली आहे. ईडीने ही कारवाई मंगळवारी सकाळी सुरू केली आहे. याबाबत अद्याप अधिक माहिती मिळू शकलेली नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.