नितेश राणेंचा पोपट झाला रे, सुधाकर बडगुजर यांच्या भाजप प्रवेशावरून संजय राऊत यांचा टोला

नाशिकमध्ये शिवसेना (उद्धव बाळासाहेब ठाकरे) पक्षातून सुधाकर बडगुजर यांची हकालपट्टी करण्यात आली होती. ते आता भाजपमध्ये सामील होणार आहेत. भाजप आमदार नितेश राणे यांनी याच बडगुजरांवर आरोप केले होते. त्यामुळे भाजपमध्ये नितेश राणे यांचा पोपट झाला असा टोला शिवसेना (उद्धव बाळासाहेब ठाकरे) पक्षाचे नेते, खासदार संजय राऊत यांनी लगावला आहे.

सुधाकर बडगुजर जेव्हा शिवसेना (उद्धव बाळासाहेब ठाकरे) पक्षात असताना त्यांच्यावर भाजपने गंभीर आरोप केले होते. मुंबई बॉम्बस्फोटात आरोपी असलेला सलीम कुत्ता आणि बडगुजर यांचे संबंध आहेत असा आरोप नितेश राणे यांनी नागपुरात विधीमंडळात केला होता. आता हेच बडगुजर भाजपमध्ये सामील होणार आहेत. यावर संजय राऊत म्हणाले की, ह्याचा (नितेश राणे) आज खऱ्या अर्थाने “पोपट ..” झाला रे…

ह्याचा आज खऱ्या अर्थाने “पोपट ..”
झाला रे…
बॉम्ब ब्लास्ट मधील सलीम कुत्ता चे बॉस भा ज पा मध्येच बसलेत!@Dev_Fadnavis @cbawankule @PMOIndia https://t.co/jyKFfGEb6J

— Sanjay Raut (@rautsanjay61) June 17, 2025

बॉम्ब ब्लास्ट मधील सलीम कुत्ता चे बॉस भाजपा मध्येच बसलेत! तसेच या सगळ्यांना मुंबई बॉम्ब स्फोटातील आरोपी करायला हवे! गृह मंत्री फडणवीस तुमचे लोक त्या सलीम कुत्ताला उगाच बदनाम करीत होते; भारतीय जनता पक्ष हा निर्लज्ज लोकांचा भरणा असलेला पक्ष आहे, देशभक्ती, हिंदुत्व वगैरे सगळे ढोंग आहे असेही संजय राऊत म्हणाले.

या सगळ्यांना मुंबई बॉम्ब स्फोटातील आरोपी करायला हवे!
गृह मंत्री फडणवीस तुमचे लोक त्या सलीम कुत्ता ला उगाच बदनाम करीत होते; भारतीय जनता पक्ष हा निर्लज्ज लोकांचा भरणा असलेला पक्ष आहे,
देशभक्ती, हिंदुत्व वगैरे सगळे ढोंग आहे!@Dev_Fadnavis @cbawankule @JPNadda @AmitShah https://t.co/RomcRaHDiq

— Sanjay Raut (@rautsanjay61) June 17, 2025