पंतप्रधान नरेंद्र मोदी यांना आज सायप्रस देशाचा सर्वोच्च नागरी पुरस्कार देऊन गौरवण्यात आले. सायप्रसचे राष्ट्रपती निकोस क्रिस्टोडौलिड्स यांनी मोदींना ग्रँड क्रॉस ऑफ द ऑर्डर ऑफ मकारिओस III हा देशातील सर्वोच्च नागरी पुरस्कार देऊन सन्मानित केले. मोदींना मिळालेला आतापर्यंतचा हा 21 वा आंतरराष्ट्रीय पुरस्कार आहे.
कॅनडामध्ये होणाऱ्या जी 7 शिखर परिषदेत सहभागी होण्यासाठी पंतप्रधान नरेंद्र मोदी हे रविवारी रवाना झाले. त्या आधी ते दोन दिवस सायप्रसच्या दौ-यावर आहेत. मोदींच्या सायप्रस दौऱ्याचा आज दुसरा दिवशी असून आज संध्याकाळी ते पॅनडाला रवाना होणार आहेत. आज सुरुवातीला सायप्रसच्या राष्ट्रपती भवनात मोदींचे स्वागत करण्यात आले. त्यानंतर दोन्ही देशांच्या राष्ट्रप्रमुखांमध्ये बैठक झाली. यावेळी दोन्ही देशांमधील व्यापाराला चालना देण्याबाबत सविस्तर चर्चा करण्यात आली. मोदी रविवारी सायप्रसला पोहोचले होते. सायप्रसला भेट देणारे मोदी हे तिसरे हिंदुस्थानी पंतप्रधान आहेत. या आधी इंदिरा गांधी यांनी 1983 साली आणि अटलबिहारी वाजपेयी यांनी 2002 साली सायप्रसला भेट दिली होती.
.jpeg)
.jpeg)
Comment List