शेकडो वर्षांची परंपरा असलेल्या श्री संत निवृत्तीनाथ महाराज पालखी सोहळय़ाने आज अहिल्यानगर जिह्यात प्रवेश केला. माजी मंत्री बाळासाहेब थोरात यांच्या नेतृत्वाखाली अमृत उद्योग समूहाच्या वतीने वारकऱयांची सर्व सुविधा करण्यात आली आहे.
श्री विठ्ठलभेटीच्या ओढीने पंढरपूरकडे निघालेल्या या पालखी सोहळय़ाचे सुमारे 20 हजार वारकऱयांसमवेत आगमन झाले. नाशिक पदवीधर मतदारसंघाचे माजी आमदार डॉ. सुधीर तांबे व इंद्रजित थोरात यांच्यासह पारेगाव बु. गावकऱयांनी पालखी सोहळय़ाचे अभूतपूर्व स्वागत व पूजन केले. याप्रसंगी निवृत्तीनाथ देवस्थानचे अध्यक्ष ऍड. सोमनाथ घोटेकर, अपर जिल्हाधिकारी बाळासाहेब कोळेकर, उपविभागीय पोलीस अधिकारी कुणाल सोनवणे, पोलीस निरीक्षक देवीदास ढुमने, ऍड. त्र्यंबकराव गडाख, साहेबराव गडाख, दौलत गडाख, सोमनाथ गडाख, सचिन गडाख, बी. आर. चकोर, नवनाथ आरगडे, विजय राहणे आदींसह विविध पदाधिकारी उपस्थित होते.
रिमझिम पावसात आणि हरिनामाच्या गजरात पालखी सोहळय़ाने नगर जिह्यात प्रवेश केला. अश्विनाथ विद्यालयाचे लेझीम पथक, पारंपरिक वाद्य व वेशभूषा करून गावकऱयांनी व विद्यार्थ्यांनी या पालखीचे स्वागत केले.
Comment List