Mumbai News : अंधेरीत मातीच्या ढिगाऱ्याखाली दबून कामगाराचा मृत्यू, इमारतीचे बांधकाम सुरू असताना घडली घटना

इमारतीचे बांधकाम सुरू असताना माती खचल्याने ढिगाऱ्याखाली दबून एका कामगाराचा मृत्यू झाल्याची घटना अंधेरीत सोमवारी घडली. सोनेलाल प्रसाद असे मयत कामगाराचे नाव आहे. या दुर्घटनेत दुसऱ्या कामगाराला वाचवण्यात यश आले आहे. जखमी कामगारांना उपचारासाठी कूपर रुग्णालयात दाखल करण्यात आले आहे.

अंधेरीतील मरोळ पाईपलाईन परिसरात लीला बिजनेस पार्क फेझ टू या इमारतीचे बांधकाम सुरू आहे. सोमवारी सायंकाळी पावसामुळे बांधाकामाच्या ठिकाणी माती खचली. यावेळी दोन कामगार मातीच्या ढिगाऱ्याखाली अडकले. मातीच्या ढिगाऱ्याखाली अडकलेला दोन्ही कामगारांना अग्निशमन दलाच्या जवानांनी बाहेर काढले. जखमी कामगारांना तात्काळ कूपर रुग्णालयात नेण्यात आले. मात्र उपचारापूर्वीच एका कामगाराचा दुर्दैवी मृत्यू झाला. मुंबई महानगरपालिकेकडून या घटनेची चौकशी करण्याची आणि काम बंद करण्याची सूचना देण्यात आली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.