इस्रायलने इराणच्या सरकारी मीडिया कार्यालयावर केला हल्ला, लाईव्ह शो सोडून अँकरला काढावा लागला पळ

इराण आणि इस्त्रायल यांच्यातील युद्धाने आता आणखी भयावह वळण घेतले आहे. इस्त्रायलने इराणच्या सरकारी मीडिया कार्यालयावर (IRIB) हल्ला केला, ज्यामुळे लाइव्ह प्रसारणादरम्यान अँकरला स्टुडिओ सोडून पळ काढावा लागला. हा हल्ला इतका तीव्र होता की, इराणची राजधानी तेहरानसह अनेक भागांमध्ये स्फोटांचा आवाज घुमला.

मिळालेल्या माहितीनुसार, इस्त्रायलच्या हवाई दलाने इराणच्या संरक्षण मंत्रालय, तेल डेपो, गॅस रिफायनरी आणि आण्विक संशोधन केंद्रांसह 150 हून अधिक ठिकाणांवर हल्ले केले. यामध्ये IRIB च्या मुख्यालयावरही बॉम्बहल्ला झाला. लाइव्ह प्रसारणादरम्यान स्फोटांचा आवाज ऐकू येताच अँकर घाबरली आणि स्टुडिओ सोडून पळ काढला. या हल्ल्यामुळे इराणच्या सरकारी वृत्तवाहिनीचे प्रसारण खंडित झाले. सोशल मीडियावर यासंबंधीचा व्हिडीओ व्हायरल झाला आहे.

इराणचे राष्ट्राध्यक्ष मसूद पेजेशकियन यांनी या हल्ल्यांचा तीव्र निषेध केला आहे. त्यांनी इस्त्रायलला इशारा देताना म्हटले, “इस्रायलला त्याच्या या कृत्याची मोठी किंमत मोजावी लागेल.” दरम्यान, इराण आणि इस्त्रायल यांच्यातील युद्धामुळे आंतरराष्ट्रीय समुदायात चिंता वाढली आहे. अनेक देशांनी दोन्ही बाजूंना संयम राखण्याचे आवाहन केले आहे, परंतु सध्याची परिस्थिती पाहता युद्ध थांबण्याची शक्यता कमी दिसते.

هم‌اکنون ساختمان صدا وسیمای رژیم در آتش ودود pic.twitter.com/bgEJECcVz9

— LiveIranNews (@IranNewsAgency0) June 16, 2025