Rain Update – पुढील पाच दिवस पावसाचा जोर कायम राहणार; मुंबई, ठाणे, पालघर, रायगडला ऑरेंज आणि रेड अलर्ट जारी

मुंबईसह राज्यात पावसाचा जोर वाढला आहे. मुसळधार पावसामुळे पूर, पाणी तुंबण्याच्या घटना घडत आहेत. पावसाचा जोर पुढील पाच दिवस कायम राहणार आहे. हवामान खात्याने पुढील पाच दिवस मुसळधार आणि अतिमुसळधार पावसाचा इशारा दिला आहे. मुंबई, ठाणे आणि पालघर भागात मुसळधार पाऊस पडण्याची शक्यता आहे. तर रायगड आणि पुणे भागात मुसळधार ते अतिमुसळधार पाऊस पडण्याची शक्यता आहे.

Advance of Southwest Monsoon:

Southwest monsoon has further advanced into remaining parts of central Arabian Sea; some parts of north Arabian Sea and Gujarat; remaining parts of Konkan, Madhya Maharashtra and Telangana; some parts of Madhya Pradesh; some more parts of Vidarbha,… pic.twitter.com/FhCWZPYQ61

— India Meteorological Department (@Indiametdept) June 16, 2025

16 जून – कोकण-गोव्यात बहुतेक ठिकाणी, दक्षिण महाराष्ट्रातील अनेक भागात आणि उत्तर महाराष्ट्रातील काही भागात मध्यम ते जोरदार पावसाची शक्यता आहे. तर मराठवाड्यातील काही ठिकाणी हलका ते मध्यम पाऊस किंवा गडगडाटासह पाऊस पडण्याची शक्यता आहे.

17 जून – कोकण-गोवा आणि महाराष्ट्रातील काही भागात मध्यम ते मुसळधार पाऊस आणि मराठवाड्यात काही ठिकाणी ढगांच्या गडगडाटासह पावसाची शक्यता.

18 जून – कोकण-गोव्यात बहुतांश भागांत आणि दक्षिण महाराष्ट्रातील काही भागात मध्यम पावसाची शक्यता वर्तवण्यात आली आहे. उत्तर महाराष्ट्रात हलका ते मध्यम आणि मराठवाड्यात काही ठिकाणी ढगांच्या गडगडाटासह पाऊस पडेल.

19 जून – कोकण-गोव्यात मध्यम पाऊस, दक्षिण महाराष्ट्रात काही ठिकाणी आणि उत्तर महाराष्ट्रातील काही भागात मराठवाड्यात हलका पाऊस पडेल.

20 जून – कोकण आणि गोव्यात मध्यम, दक्षिण महाराष्ट्रात हलका ते मध्यम आणि मराठवाड्यात काही ठिकाणी गडगडाटी पाऊस पडण्याची शक्यता.