शाब्बास पोरा…! हुशारीने अपहरणकर्त्यांना लावलं पळवून

छत्रपती संभाजीनगरमध्ये एका सात वर्षांच्या मुलाचे अपहरण करण्याचा प्रयत्न झाला. ही घटना न्यू एसटी कॉलनीमध्ये घडली. शाळेतून घरी जात असताना दोन अज्ञात व्यक्तींनी त्याला उचलण्याचा प्रयत्न केला. मुलाने आरडाओरडा केला. त्यामुळे अपहरणकर्ते पळून गेले. पोलिसांनी याप्रकरणी गुन्हा दाखल केला.

अक्षित अजय सानप असे या मुलाचे नाव आहे. तो न्यू एसटी कॉलनी येथे राहतो. तो शाळेत इयत्ता दुसरीमध्ये शिकतो. 13 जून रोजी तो शाळेत गेला होता. शाळेचा पहिला दिवस असल्याने सेलिब्रेशन ठेवले होते. त्यामुळे शाळा लवकर सुटली. मुलांना अडीच वाजता घरी जायला सांगितले. शाळेने याबाबत त्याच्या घरी माहिती दिली होती. अक्षितची शाळा घराच्या जवळच आहे. त्यामुळे तो पायी घरी निघाला होता. त्याचवेळी स्कूटीवरून आलेल्या दोघांनी त्याला थांबवले. त्यातील एकाने गाडीवरून उतरून त्याला उचलण्याचा प्रयत्न केला, पण अक्षितने आरडाओरड केली. त्यामुळे अपहरणकर्त्यांनी तेथून पळ काढला. ही घटना सीसीटीव्हीमध्ये कैद झाली. मुकुंदवाडी पोलीस ठाण्यात दोन अज्ञात व्यक्तींविरुद्ध गुन्हा दाखल केला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.