एसटी आणि ट्रकची समोरासमोर धडक होऊन अपघातात एसटी चालक जखमी झाल्याची घटना देवगडमध्ये घडली. ज्ञानेश्र्वर शंकर जायभाये असे जखमी एसटी चालकाचे नाव असून त्यांच्या पायाला आणि पोटाला दुखापत झाली आहे. जायभाये यांना रुग्णालयात उपचारासाठी दाखल करण्यात आले आहे. अपघाताची माहिती मिळताच देवगड पोलिसांनी घटनास्थळी धाव घेत मदतकार्य सुरू केले.
तरळे-देवगड एसटी शिरगावहून देवगडच्या दिशेने येत होती तर ट्रक देवगडहून धान्य उतरवून कुडाळच्या दिशेने जात होता. यादरम्यान दुपारी 1.30 वाजण्याच्या सुमारास जामसंडे कट्टा येथील तीव्र वळणावर एसटी आणि ट्रकची एकमेकांना धडक झाली. या अपघातात एसटी चालक जायभाये जखमी झाले. त्यांना तात्काळ देवगड येथील ग्रामीण रुग्णालयात दाखल करण्यात आले. यानंतर पुढील उपचारासाठी देवगडमधील खाजगी रुग्णालयात दाखल केले.
सुदैवाने या अपघातात कोणतीही जीवितहानी झाली नाही. केवळ एसटी चालक किरकोळ जखमी झाले असून यात एसटीचे 60 हजार रूपयांचे नुकसान झाले आहे. ट्रकचेही नुकसान झाले आहे. याप्रकरणी पोलीस पुढील कार्यवाही करत आहेत.
.jpeg)
.jpeg)
Comment List