गुजरातमधील अहमदाबाद येथे 12 जून रोजी एअर इंडियाच्या विमानाचा भीषण अपघात झाला होता. या अपघातामध्ये गुजरातचे माजी मुख्यमंत्री विजय रुपाणी यांचेही निधन झाले होते. अपघातानंतर तीन दिवसांनी विजय रुपाणी यांच्या मृतदेहाची ओळख पटली आहे. रुपाणी यांचा डीएनए मॅच झाल्याची माहिती गुजरातचे गृहमंत्री हरीश संघवी यांनी दिल्याचे वृत्त ‘पीटीआय’ने दिले आहे.
एअर इंडियाच्या AI171 या बोइंग विमानाचा गुरुवारी अपघात झाला होता. अहमदाबादच्या सरदार वल्लभभाई पटेल आंतरराष्ट्रीय विमानतळावरून उड्डाण घेतल्यानंतर अवघ्या एका मिनिटात हे विमान मेघाणीनगर भागात कोसळले होते. या भीषण अपघातात विमानातील 290 जणांचा मृत्यू झाला होता. हा अपघात एवढा भीषण होता की अपघातानंतर विमानातील प्रवाशांचे मृतदेह ओळणेही कठीण होते. त्यामुळे डीएनए चाचणी करून मृतदेहांची ओळख पटवण्याचा निर्णय घेण्यात आला.
अपघातस्थळी सापडलेल्या अवशेषांची गेल्या दोन दिवसांपासून डीएनए चाचणी केली जात आहे. आतापर्यंत 32 जणांचे डीएनए जुळले आहेत, पैकी 12 जणांकडे मृतदेह सोपवण्यात आले आहेत. आतात माजी मुख्यमंत्री विजय रुपाणी यांचाही डीएनए मॅच झाला आहे. रविवारी दुपारी 11 वाजून 10 मिनिटांनी त्यांच्या डीएनए चाचणीचा अहवाल आला. डीएनए जुळल्यामुळे आज सायंकाळी त्यांचे पार्थिव कुटुंबाकडे सोपवण्यात येईल. त्यानंतर त्यांचे कुटुंबीय अंत्यसंस्कार कुठे, कधी करायचा याचा निर्णय घेतील.
Air India Plane Crash – सीट नंबर 11A, 27 वर्षानंतर पुन्हा चमत्कार, अपघातातून वाचलेल्या दोन प्रवाशांची सेम स्टोरी!
Air India plane crash – ‘मी उडी मारली नाही, तर…’, विमान दुर्घटनेतून बचावलेल्या एकमेव प्रवाशानं सांगितलं काय चमत्कार झाला
दरम्यान, याबाबत माध्यमांशी बोलताना गुजरातचे आरोग्यमंत्री ऋषिकेश पटेल म्हणाले की, ‘मुख्यमंत्री भूपेंद्र पटेल हे माजी मुख्यमंत्री विजय रुपाणी यांच्या निवासस्थानी गेले असून त्यांनी डीएनए जुळल्याची माहिती त्यांच्या कुटुंबाला दिली. तसेच त्यांचे पार्थिक राजकोटला कसे न्यायचे हे कुटुंबीय ठरवणार असून त्यांच्या अंत्यसंस्कारासाठी राज्य सरकार पूर्ण सहकार्य करेल.’
सुरुवातीला विजय रुपाणी यांनी 19 मे रोजी लंडनला जाण्याचा निर्णय घेतला होता, मात्र नंतर ते तिकीट रद्द करण्यात आले. त्यानंतर 5 जून रोजीचे तिकीट काढण्यात आले, परंतु ते देखील रद्द केले. अखेर 12 जून रोजी ते एअर इंडियाच्या AI171 या विमानातून लंडनला जाण्यास निघाले. त्यांच्याकडे बिझनेस क्लासचे तिकीट होते. 2D हा त्यांचा सीट क्रमांक होता. लंडनमध्ये पत्नी आणि मुलीला भेटण्यासाठी ते निघाले होते. मात्र उड्डाणानंतर काही क्षणात या विमानाचा अपघात झाला आणि त्यात रुपाणी यांच्यासह विमानातील 242 पैकी 241 जणांचा मृत्यू झाला. फक्त एक प्रवासी दैव बलवत्तर म्हणून वाचला.
Air India Plane Crash – 1206 ठरला मृत्यूचा दिवस, तोच होता विजय रुपाणींचा लकी नंबर!
Comment List