ब्रिटिश फायटर जेटचे केरळमध्ये इमर्जन्सी लॅंडिंग, इंधन संपल्यामुळे पायलटने मागितली होती परवानगी

केरळमधील तिरुवनंतपुरम आंतरराष्ट्रीय विमानतळावर एका ब्रिटिश F-35 फायटर जेटचे इमर्जन्सी लॅंडिंग करण्यात आले आहे. अधिकाऱ्यांनी दिलेल्या माहितीनुसार, या जेटमध्ये इंधन संपले होते. ते इंधन भरण्यासाठी पायलटने रात्री 9.30 च्या सुमावार इमर्जन्सी लँडिंगची परवानगी मागितली होती.

सूत्रांनी दिलेल्या माहितीनुसार, विमानतळ अधिकाऱ्यांनी F-35 ची सुरक्षित लँडिंग करण्यासाठी संपूर्ण विमानतळावर आणिबाणी जाहीर केली होती. हे विमान सध्या विमानतळावरच उभे आहे. सूत्रांनी दिलेल्या माहितीनुसार केंद्र सरकारमधील संबंधित अधिकाऱ्यांकडून मंजुरी मिळाल्यानंतरच विमानात इंधन भरले जाईल.

जगातील सर्वात धोकादायक फायटर जेट F-35
हे अत्याधुनिक फिफ्थ जनरेशन स्टेल्थ फायटर जेट असून ते सध्या हिंद महासागरात तैनात आहे. हे जेट जगातील सर्वात धोकादायक फायटर जेट मानले जाते. अलीकडेच या जेटने भारतीय नौदलासोबत संयुक्त लष्करी सरावात भाग घेतला होता. हे फिफ्थ जनरेशन फायटर जेट ब्रिटनच्या युद्धनौका HMS Prince of Wales च्या कॅरिअर स्ट्राइक ग्रुपचा भाग आहे, जे सध्या ऑपरेशनमध्ये गुंतलेले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.