गुजरातमध्ये राहणारे हर्षित आणि पुजा लंडनला निघाले होते. पण वाटेतच त्यांच्यावर काळाने घाला घातला आणि अपघातात त्यांचा मृत्यू झाला. हर्षित आणि पुजा हे बाळासाठी प्रयत्न करत होते, पण त्यांचं हे स्वप्न अपूर्णचं राहिलं.
अहमदाबादमध्ये राहणरे अनिल पटेल यांचा मुलगा हर्षित आणि पूजा कामानिमित्त लंडनमध्ये राहत होते. सात वर्षांपूर्वी त्यांचं लग्न झालं होतं. सहा वर्षांपूर्वी अनिल पटेल यांच्या पत्नीचे कॅन्सरमुळे निधन झाले होते. त्यामुळे मुलगा आणि सून त्यांचं जग होतं. पूजा आपल्या मुलीसारखी होती अशी माहिती पटेल यांनी दिली.
लग्नानंतर हर्षित आणि पूजाने बाळासाठी प्रयत्न केला होता. पण पहिल बाळं पूजाच्या पोटातचं दगावलं. हर्षित आणि पूजा दोघेही बाळासाठी पुन्हा प्रयत्न करत होते. पूजाच्या उपचारासाठी दोघेही अहमदाबादमध्ये आले होते. नंतर दोघेही लंडनला निघाले. अनिल पटेल यांनी दोघांना एअरपोर्टवर सोडलं. विमानात बसल्यावर दोघांनी अनिल यांना व्हिडीओ कॉल करून विमानात बसल्याचे सांगितले. बाकी पोहोचल्यावर फोन करू असे म्हणत हर्षितने फोन ठेवला. पण थोड्याच वेळात विमानाचा अपघात झाला आणि दोघांचा यात मृत्यू झाला. प्रशासनाने आपले डीएने नमुने घेतले आहेत, ते जुळल्यानंतर मृतदेह ताब्यात देतील. त्या दोघांचे अंत्यसंस्कार झाल्यावर मी आयुष्यात एकटाच राहिन अशी खंत पटेल यांनी व्यक्त केली.
Comment List