Chandrapur News – सिंदेवाहीत जाटलापूर गावात पुन्हा रानटी हत्तींचा प्रवेश; एकाला चिरडले

ओडिसाहून छत्तीसगडमार्गे गडचिरोलीत दाखल झालेले हत्तींनी आता चंद्रपूर जिल्ह्यातील सिंदेवाही तालुक्यात प्रवेश केला आहे. त्यामुळे परिसरात घबराट पसरली आहे. सिंदेवाहीत शिरलेले हत्ती काही दिवसानंतर माघारी फिरत गडचिरोली जिल्हयात परत गेले होते. मात्र, पुन्हा हे हत्ती सावली तालुक्यात आढळून आले आहेत.

हत्तींनी सिंदेवाही तालुक्यात आगेकुच करीत जाटलापूर (मोठा) येथील शौचालयाजवळ असलेल्या एका व्यक्तीवर हल्ला केला. या हल्ल्यात त्या व्यक्तीचा मृत्यू झाला आहे. ही घटना सकाळच्या सुमारास उघडकीस आली आहे. मृताचे नाव मारोती कवडु मसराम (70) असे आहे. घटनेची माहिती मिळताच वन अधिकारी व पोलीसांनी घटनास्थळी धाव घेतली आहे. त्यांनी घटनेचा पंचनामा करून मृतदेह शवविच्छेदनासाठी ग्रामीण रुग्णालय सिंदेवाही यथे पाठविला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.