आमदार, खासदारांच्या विरोधातील प्रलंबित खटल्यांची माहिती न्यायालयाला सादर, कोर्टात सोमवारी निकाल

राजकीय आंदोलने करणाऱया राज्यातील आजी-माजी खासदार, आमदारांविरोधात कनिष्ठ न्यायालयात फौजदारी खटले प्रलंबित आहेत. या खटल्यांची माहिती बंद लिफाफ्यात हायकोर्ट रजिस्ट्रीने मुख्य न्यायमूर्ती आलोक आराधे यांच्या खंडपीठासमोर सादर केली. या प्रकरणावरील निकाल सोमवारी जाहीर करणार असल्याचे खंडपीठाने स्पष्ट केले.

आजी-माजी खासदार व आमदारांविरोधातील फौजदारी खटल्यांची जलद गतीने सुनावणी घेऊन दोषी नेत्यांना निवडणूक लढविण्यास बंदी घालण्याची मागणी अश्विनी उपाध्याय यांनी याचिकेद्वारे केली होती. याची दखल घेत सुप्रीम कोर्टाच्या तीन सदस्यीय खंडपीठाने सदर फौजदारी खटल्यांची सुनावणी जलद गतीने होण्यासाठी विशेष न्यायालयांची स्थापना करण्याची सूचना केली होती.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.