Air India Plane Crash – 1 कोटी काय देता, मी तुम्हाला दोन कोटी देते माझे वडील परत आणून द्या; महिलेने सुनावलं

एअर इंडियाचे लंडनला जाणारे विमान अहमदाबादमधील मेघानी भागात कोसळले. या दुर्घटनेत विमानातील 241 जणांचा मृत्यू झाला. या दुर्घटनेत मृत्युमुखी पडलेल्यांच्या नातेवाईकांना टाटा ग्रृपकडून प्रत्येकी एक कोटी रुपयांची मदत जाहीर करण्यात आली आहे.

दरम्यान या अपघातात आपले वडील गमावलेल्या एका महिलेने यावरून एअर इंडिया प्रशासनाला फैलावर घेतले आहे. ”तुम्ही काय एक कोटी देता. मी तुम्हाला 2 कोटी देते. माझे वडील मला परत आणून द्या”, असे त्या महिलेने एअर इंडियाला सुनावले आहे. फाल्गुनी असे त्या महिलेचे नाव आहे.

”तुम्ही विमान चेक करायला हवं होतं का नाही तपासलं. मस्करी बनवून ठेवलीय का एअर इंडिया वाल्यांनी. पैशाने तुम्ही सगळं विकत घेऊ शकता पण माझे वडिल आणून देऊ शकता का? पैशाने झोपण्यासाठी पलंग विकत घेता येईल पण त्या पलंगावर झोप कशी येईल. पैशाने खरं प्रेम विकत घेता येईल का जे प्रेम माझे वडील माझे वडील माझ्यावर करत होते. देशप्रेमी होते माझे वडील म्हणून एअऱ इंडियाने जायचे. काय मिळालं त्यांना? असा सवाल फाल्गुनी यांनी केला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.