अहमदाबादमध्ये कोसळलेल्या विमानाचा ब्लॅक बॉक्स अखेर सापडला आहे. गुजरात सरकारच्या 40 कर्मचाऱ्यांच्या मदतीने विमान अपघात तपास ब्युरोच्या (AAIB) एका टीमने ब्लॅक बॉक्स शोधून काढला आहे. हा ब्लॅक बॉक्स डॉक्टरांच्या हॉस्टेलच्या छतावर आढळून आल्याचे सांगण्यात येत आहे. दुर्घटनेच्या 28 तासांनंतर हा ब्लॅक बॉक्स सपडला. ब्लॅक बॉक्स मिळाल्याने विमान दुर्घटना कशी घडली? याच्या कारणांचा छडा लावता येणार आहे.
Air India Plane Crash – अपघाताच्या वेळी तापमान पोहोचलं होतं एक हजार अंश सेल्सियसवर, प्रवाशांसोबत वितळलं विमान
दुसरीकडे, डीजीसीएने एक मोठा निर्णय घेतला आहे. एयर इंडियाच्या बोइंग 787-8/9 ताफ्यांची तपासणी करण्याचे आदेश दिले आहेत. फ्युल पॅरामीटर सिस्टम, टेकऑफ मानके आणि विमान सुरक्षेच्या इतर महत्त्वाच्या पैलूंचे मूल्यांकन केले जाईल. 15 जूनपासून ही तपासणी सुरू होईल.
Air India Plane Crash – ATS ने DVR ताब्यात घेतला, कशी घडली विमान दुर्घटना? लवकरच समोर येणार
केंद्रीय यंत्रणांकडून तपास
अहमदाबादमधील कालच्या विमान दुर्घटनेनंतर केंद्रीय यंत्रणांकडून तपास सुरू करण्यात आला आहे. राष्ट्रीय तपास संस्था (NIA) आणि इतर केंद्रीय तपास यंत्रणांच्या अधिकाऱ्यांनी दुर्घटनास्थळाला भेट देऊन पाहणी केली. तपासाची जबाबदारी नागरी विमान वाहतूक मंत्रालयाच्या अंतर्गत येणाऱ्या एअरक्राफ्ट अॅक्सिडेंट इन्व्हेस्टिगेशन ब्युरोकडे (AAIB) सोपवण्यात आली आहे.
.jpeg)
Comment List