Air India Plane Crash – 10 जूनला बोहल्यावर चढला, 12 जूनला लंडनला निघाला… अवघ्या दोन दिवसात नवविवाहितेने पतीला गमावले

अहमदाबाद येथे झालेल्या विमान दुर्घटनेत वडोदरा शहरातील भाविक माहेश्वरी याचा मृत्यू झाला आहे. भाविक हा लंडनला नोकरीला होता तो लग्नासाठी दहा दिवसांची सुट्टी घेऊन आला होता. 10 जूनला धुमधडाक्यात लग्नही झाला आणि 12 जूनला आपल्या नव्या नवरीचा निरोप घेऊन भाविक निघाला. मात्र वाटतेच काळाने त्याच्यावर घाला घातला.

2 जूनला भाविक लंडनहून वडोदऱ्याला आला होता. 10 जूला त्याचे लग्न होणार होते. भाविकचा साखरपुडा गेल्या वर्षीच झाला होता. लग्नानंतर दोन दिवसातच तो लंडनला परतणार होता. भाविकला निरोप द्यायला त्याची नवविवाहित पत्नी एअरपोर्टला आली होती. पतीला हसत हसत तिने निरोप दिला. मात्र काही वेळातच भाविक ज्या विमानाने लंडनला जात होता ते क्रॅश झाल्याची बातमी त्यांना मिळाली.

दोन दिवसांपूर्वी वाजत गाजत भाविकची वरात घरात आणली होती. ज्या घरात आनंदी आनंद होता त्या घऱात आता भयाण शांतता पसरली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.