इराण – इस्रायलच्या संघर्षामुळे जम्मू कश्मीर हाय अलर्टवर, हिंदुस्थानने अनेक विमानं माघारी बोलवली

इस्रायल आणि इराण दरम्यान तणावपूर्ण परिस्थिती होती. त्यात इस्रायलने शुक्रवारीच इराणवर हल्ला केला आहे. हल्ल्यानंतर संपूर्ण इस्रायलमध्ये आणिबाणी घोषित करण्यात आली आहे. तसेच दोन्ही देशांनी एकमेकांचे एअरस्पेसही बंद केली आहे.

इराण आणि इस्रायलच्या हल्ल्यामुळे जम्मू कश्मीरच्या काही भागात हाय अलर्ट जारी करण्यात आला आहे. कश्मीरच्या शिया भागात हा अलर्ट जारी करण्यात आला आहे. शुक्रवारी शिया बहुल भागात या प्रकरणाच्या विरोधात आंदोलन होऊ शकतात. यावेळी शिया समुदायात तणाव असून हिंसा होऊ शकते असा अंदाज सुरक्षा दलांनी व्यक्त केला आहे.

इस्रायलने केलेल्या हल्ल्यानंतर इराणने आपला एअरस्पेस बंद केला आहे. सुरक्षेच्या कारणास्तव हिंदुस्थान सरकारने अनेक विमानं माघारी बोलावली आहेत.

असे असले तरी यामुळे हिंदुस्थानला फार फटका बसलेला नाही. इराण आणि इस्रायलच्या संघर्षामुळे फार कमी विमानं परत बोलावली आहेत. तसेच दिल्ली विमानतळावर घोषणा केली जात आहे की आपल्या फ्लाईट्सबद्दल कुठलीही माहिती हवी असल्यात एअरलाईन्सशी संपर्क साधावा. सोशल मीडिया आणि इतर माध्यमातून आलेल्या माहितीवर विश्वास न ठेवण्याचे आवाहन प्रशासनाने केले आहे.