Air India Plane Crash – 1206 ठरला मृत्यूचा दिवस, तोच होता विजय रुपाणींचा लकी नंबर!

12 जून रोजी अहमदाबादमध्ये इतका मोठा अपघात घडला की, हिंदुस्थानातील प्रत्येक व्यक्ती हळहळला. लंडनला जाणारे एअर इंडियाचे विमान A171 कोसळले. या अपघातामध्ये 240 हून अधिक कुटुंबांचा आनंद हिरावून घेतला. उड्डाणानंतर काही सेकंदातच विमान कोसळले. या घटनेत गुजरातचे माजी मुख्यमंत्री विजय रुपाणी यांनाही आपला जीव गमवावा लागला. रुपाणी हे पत्नी अंजली रुपाणी यांना घेण्यासाठी लंडनला जात होते. रुपाणी यांचा सीट नंबर 2 डी होता. असे म्हटले जात आहे की, रुपाणी यांनी 1206 हा त्यांचा भाग्यवान क्रमांक होता. आता याला नियतीचा खेळ म्हणा किंवा आणखी काही, या क्रमांकाची तारीख देखील त्यांच्या आयुष्याचा शेवटचा दिवस ठरली.

Air India Plane Crash- अपघातग्रस्त विमानात गुजरातचे माजी मुख्यमंत्री विजय रुपाणी

माजी मुख्यमंत्री रुपाणी यांना जवळून ओळखणाऱ्यांना हे माहित आहे की, त्यांच्यासाठी 1206 हा फक्त एक आकडा नव्हता तर तो नशिबाचे प्रतीक होता. त्यांच्या पहिल्या स्कूटीचा नंबर असो किंवा त्याच्या मालकीच्या गाड्या असोत, सर्वांच्या नंबर प्लेटवर 1206 लिहिलेले होते. आतापर्यंत रुपाणींसाठी भाग्यवान असलेला 1206 हा क्रमांक त्यांच्या आयुष्याचा शेवटचा दिवस ठरला. रुपाणी हे राजकोट शहरातील रहिवासी होते आणि त्यांच्या निधनाच्या बातमीने शहरात शोककळा पसरली आहे.