भाचीचा वाढदिवस साजरा करण्यासाठी डॉक्टर पत्नीसोबत निघाले होते लंडनला, वाटेतच काळाने घातला घाला

अहमदाबादहून लंडनला जाणाऱ्या एअर इंडियाच्या विमानाला भीषण अपघात झाला आहे. या अपघातात एक प्रवासी वगळता सर्वांचा मृत्यू झाला आहे. या मृतांमध्ये सूरतच्या डॉ. हितेश शहा आणि त्यांच्या पत्नी अमिता शहा यांचाही मृत्यू झाला आहे. शहा दाम्पत्य लंडनना आपल्या भाचीच्या वाढदिवसासाठी जात होते.

सूरतच्या एका ट्रस्टच्या हॉस्पिटलमध्ये हितेश शहा प्रॅक्टिस करत होते. लंडनमध्ये शहा यांची बहीण राहते. त्यांच्या मुलीचा वाढदिवस होता. आपल्या भाचीच्या वाढदिवासासाठी शहा लंडनला निघाले होते. यासाठी त्यांनी मोठी सुटीही काढली होती. पण वाटेतच काळाने त्यांच्यावर घाला घातला. 12 तारखेला झालेल्या अपघातात शहा आणि त्यांच्या पत्नीचा मृत्यू झाला आहे.

डॉ. हितेश शहा यांनी हॉस्पिटल प्रशासनाला सांगितले होते की 20 तारखेला ते लंडनला जाणार आहेत. पण त्यांनी तारीख बदलून ती 12 तारखेलाच लंडनसाठी निघाले. हितेश शहा हे जनरल सर्जन होते आणि आपले खासगी हॉस्पिटल बंद करून ते या ट्रस्टमध्ये प्रॅक्टिस करत होते. शहा आपल्या पत्नीसोबत लंडनला निघाले होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.