Air India Plane Crash – टेकऑफ करताना 30 सेकंदात मोठा आवाज झाला अन्…; बचावलेल्या प्रवाशानं सांगितला अपघाताचा थरार

अहमदाबादहून लंडन जाणारे एअर इडियाचे ड्रिमलाईनर विमान गुरुवारी दुर्घटनाग्रस्त झाले. या अपघातात 204 जणांचा मृत्यू झाला तर 41 जण जखमी झाले. या अपघातात चमत्कारीकरित्या एक प्रवासी बचावला आहे. रमेश विश्वकुमार(40) असे बचावलेल्या प्रवाशाचे नाव आहे. रमेशच्या छाती, डोळे आणि पायाला दुखापत झाली आहे. रमेश विश्वकुमार यांनी या अपघाताचा थरारक अनुभव सांगितला.

रमेश विश्वकुमार हे अपघातग्रस्त विमानात 11अ या सीटवर बसले होते. रमेश विश्वकुमार यांनी सांगितले की, अहमदाबाद विमानतळावरून उड्डाण घेताच अवघ्या 30 सेकंदात मोठा आवाज सुरू झाला आणि विमान कोसळले. विमान क्रॅश होताच रमेश यांनी विमानातून उडी घेतली. हे सर्व खूप वेगात झालं, असं रमेश विश्वकुमार यांनी सांगितले.

एअर इंडियाचे विमान AI-171 ने गुरुवारी दुपारी 1.38 वाजता उड्डाण केले. त्यानंतर अवघ्या 30 सेकंदात विमानतळापासून काही अंतरावर मेघानीनगर परिसरात हे विमान कोसळले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.