Air India Plane Crash – न्हावा येथील एअर होस्टेस मैथिली पाटील हिचा मृत्यू

अहमदाबादहून लंडनसाठी उड्डाण केलेले एअर इंडियाचे विमान गुरुवारी दुपारी कोसळले. या अपघातग्रस्त विमानात एअर होस्टेस म्हणून काम करीत असलेल्या पनवेल तालुक्यातील न्हावा गावातील मैथिली मोरेश्वर पाटील (२३) हिचा मृत्यू झाला आहे. अपघाताची खबर मिळताच तिचे कुंटुबीय गुरुवारी दुपारी अहमदाबादकडे रवाना झाले.

मैथिली मागील दोन वर्षांपासून एअर इंडियामध्ये क्रू मेंबरमध्ये एअर होस्टेस म्हणून काम करीत होती. गुरुवारी अहमदाबादहून लंडनकडे रवाना होणाऱ्या विमानात मैथिलीची ड्युटी होती. त्यामुळे विमान दुर्घटनेच्या आदल्या दिवशी बुधवारी मैथिलीने आपल्या आई वडिल व कुटुंबीयांसोबत होती. गुरुवारी सकाळीच मैथिली मुंबई मार्गे अहमदाबाद येथील एअरपोर्टला रवाना झाली होती. त्यानंतर एअर इंडियाचे हे विमान 12 क्रू सदस्यांसह 242 प्रवाशांना घेऊन अहमदाबादवरून लंडनला जात असतानाच रहिवासी भागात दुर्घटनाग्रस्त झाले. विमान दुर्घटनेची खबर मिळताच मैथिलीचे वडील, आई, मामा तातडीने अहमदाबादकडे रवाना झाले असल्याची माहिती निकटवर्तीय जितेंद्र म्हात्रे यांनी दिली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.