Air India Plane Crash – मोठा स्फोट झाला अन् परिसरात धुराचे लोट पसरले, प्रत्यक्षदर्शींनी सांगितली भीषण अपघाताची कहाणी

अहमदाबादहून लंडनला जाणारे एअर इंडियाचे विमान टेकऑफनंतर काही मिनिटांत कोसळले. या अपघातात विमानातील सर्व 242 जणांचा मृत्यू झाला आहे. एअर इंडियाचे AI-171 बोईंग 787 ड्रीमलाइनर या विमानाने अहमदाबाद येथील विमानतळावरून दुपारी 1 वाजून 38 मिनिटांनी उड्डाण केले. यानंतर अवघ्या 5 मिनिटांत हे विमान मेघानी नगर येथील निवासी परिसरात कोसळले. या भीषण अपघाताची भयावह कहाणी एका प्रत्यक्षदर्शींनी सांगितली.

प्रत्यक्षदर्शीं दिलेल्या माहितीनुसार, अपघाताच्या वेळी मोठा स्फोट झाला आणि संपूर्ण परिसरात धुराने लोट पसरले. अपघातात विमानाचे पंख आणि इतर भाग वेगवेगळ्या ठिकाणी पडले. एका व्यक्तीने सांगितले की त्याच्या कार्यालयापासून 200 मीटर अंतरावर हा अपघात घडला.

एका रमिला नामक महिलेने सांगितले की, ज्या हॉस्टेलवर विमान कोसळले त्याच हॉस्टेलमध्ये तिचा मुलगा लंच ब्रेक दरम्यान गेला होता. मात्र विमान दुर्घटना घडताच त्याने दुसऱ्या मजल्यावरून उडी घेत आपला जीव वाचवला. त्याला काही दुखापती झाल्या आहेत, मात्र तो सुखरुप आहे, असे रमिला यांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.