ज्येष्ठ शाहीर मधुकर खामकर यांना लावणी कलावंत महासंघ, मुंबई या संस्थेचा जीवनगौरव पुरस्कार जाहीर झाला आहे. येत्या 24 जून रोजी संस्थेच्या 11 वा वर्धापनदिनी आयोजित सोहळय़ात मधुकर खामकर यांना पुरस्कार प्रदान केला जाईल. हा कार्यक्रम श्री छत्रपती शिवाजी महाराज नाटय़मंदिर, दादर येथे सायंकाळी 5 वाजता होईल.
संस्थेच्या वर्धापन दिन सोहळय़ात सालाबादाप्रमाणे याही वर्षी लावणी आणि लोककला क्षेत्रात उल्लेखनीय कामगिरी करणाऱया अनेक मान्यवर कलावंतांना लावणी गौरव आणि जीवनगौरव पुरस्काराने सन्मानित करण्यात येणार आहे.
लावण्यवती प्रज्ञा कोळी, शाहीर दत्ताराम म्हात्रे, गायिका वंदना निकाळे, पुरुष लावणी कलाकार आनंद साटम, निर्माते उदय साटम, वादक धीरज गोरेगावकर, नृत्यदिग्दर्शक सुभाष नकाशे, निवेदक भरत उतेकर, लोककलेसाठी सुनील ढगे, नेपथ्य तंत्रज्ञ म्हणून सुनील देवळेकर या कलाकारांना ‘लावणी गौरव 2025’ या पुरस्काराने सन्मानित करण्यात येईल. किरण डांगे आणि सुजाता कांबळे-डांगे या कलाकार दांपत्याचाही सन्मान करण्यात येईल. या सोहळय़ात नामवंत कलाकारांचा नृत्याविष्कार सादर होईल, अशी माहिती अध्यक्षा कविता घडशी यांनी दिली.
.jpeg)
.jpeg)
Comment List