शिवसेना नेते, युवासेना प्रमुख-आमदार आदित्य ठाकरे यांच्या वाढदिवसानिमित्त शिव विधी व न्याय सेनेच्या वतीने शुक्रवार, 13 जूनला संध्याकाळी 5 ते 7 या वेळेत शिवसेना भवन येथे कायदेशीर मार्गदर्शन शिबीर आयोजित करण्यात आले आहे.
शिबिरात मुख्य वक्ता म्हणून बार काैन्सिल ऑफ महाराष्ट्र आणि गोवाचे अध्यक्ष विठ्ठल काेंडे देशमुख हे ‘वकिली व्यवसायातील नैतिकता आणि मूल्ये’ यावर उपस्थित वकिलांना मार्गदर्शन करणार आहेत. दरम्यान, आदित्य ठाकरे यांच्या वाढदिवसानिमित्त 250 हून अधिक गरजू विद्यार्थ्यांना वर्षभराचे शालेय साहित्य देण्यात येणार आहे. यावेळी विविध जिल्हे आणि तालुक्यांमधून मोठय़ा संख्येने वकील उपस्थित राहणार आहेत. यावेळी शिवसेना नेते दिवाकर रावते, शिवसेना नेते-खासदार संजय राऊत, अरविंद सावंत, माजी खासदार चंद्रकांत खैरे, शिवसेना युवासेना सचिव आमदार वरुण सरदेसाई, शिवसेना सचिव सूरज चव्हाण, साईनाथ दुर्गे, पराग डाके, उपनेत्या विशाखा राऊत, सुषमा अंधारे, उपनेते नितीन नांदगावकर हे प्रमुख पाहुणे म्हणून उपस्थित राहणार आहेत. शिव विधी व न्याय सेनेच्या वतीने संघटनेचे अध्यक्ष अॅड. नितीश सोनवणे, उपाध्यक्ष (प्रभारी) अॅड. स्वप्ना कोदे, सरचिटणीस अॅड. मनोज कोंडेकर, चिटणीस अॅड. सुमित घाग, चिटणीस अॅड. दर्शना जोगदणकर, समन्वयक अॅड. भूषण मेंगडे आणि संपूर्ण कार्यकारिणी व सदस्यांनी कार्यक्रमाचे आयोजन केले आहे. शिव विधी व न्याय सेना ही शिवसेना पक्षाची अंगीकृत संघटना आहे.
Comment List