दुचाकी व सोनसाखळी चोरणारे जेरबंद

दुचाकी चोरणाऱया तिकडीला पंतनगर पोलिसांनी जेरबंद केले. त्या आरोपींनी मुलुंड येथे सोनसाखळी चोरीचा गुन्हादेखील केल्याचे उघडकीस आले आहे. घाटकोपर पूर्वेकडे राहणाऱया यश महाजन (23) या तरुणाची पल्सर दुचाकी चोरीला गेली होती. या प्रकरणी पंतनगर पोलीस ठाण्यात गुन्हा दाखल झाल्यानंतर पोलिसांनी आरोपींचा शोध सुरू केला होता. तेव्हा मिळालेल्या माहितीच्या आधारे रेकॉर्डवरचा आरोपी प्रेशित नार्वेकर याच्या चौकशीतून सतपाल आणि हरजीत हे दोघे वाहन चोरी करणारे असल्याचे समजले. त्यानुसार पोलिसांनी त्या दोघांवर लक्ष केंद्रीत केले. दोघेही मुंबईत आल्याचे कळताच त्यांना पकडण्यात आले. या तिन्ही आरोपींनी मुलुंड येथे सोनसाखळी चोरण्याचा गुन्हा केला होता.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.