अमेरिकेचे राष्ट्राध्यक्ष डोनाल्ड ट्रम्प यांच्या धोरणांमुळे ते वादग्रस्त ठरत आहेत. तसेच अमेरिकेतही त्यांच्या धोरणाविरोधात निदर्शने करण्यात येत आहेत. आता ट्रम्प हे दहशतवाद्यांच्याही हिट लिस्टवर आले आहेत. अल कायदा या दहशतवादी संघटनेने अमेरिकेला खुली धमकी दिली आहे. अमेरिकेचे अध्यक्ष डोनाल्ड ट्रम्प, अब्जाधीश उद्योगपती अलॉन मस्क आणि उपाध्यक्ष जेडी व्हान्स यांना मारण्याची धमकी देणारा व्हिडिओ अल कायदाने प्रसिद्ध केला आहे. अल कायदाचा म्होरक्या साद बिन आतिफने ही धमकी देणारा व्हिडिओ बनवला आहे.
पुन्हा एकदा अमेरिका अल कायदाच्या निशाण्यावर आहे आणि दहशतवादी नेते साद बिन आतिफने ही धमकी दिली आहे. यावेळी अमेरिकेचे अध्यक्ष डोनाल्ड ट्रम्प, उपाध्यक्ष जेडी व्हान्स आणि उद्योगपती एलोन मस्क अल कायदाच्या हिट लिस्टवर आहेत. त्यांनी एक व्हिडिओ बनवला आहे आणि त्यांना जीवे मारण्याची धमकी दिली आहे. साद बिन आतिफ हा अल कायदाच्या वरिष्ठ कमांडरपैकी एक आहे. त्यांनी त्यांच्या दहशतवाद्यांसह अमेरिकन मुस्लिमांना या तीन हाय प्रोफाइल व्यक्तींना मारण्याचे आवाहन केले आहे. व्हिडीओमध्ये साद बिन आतिफ डोनाल्ड ट्रम्प यांना उघडपणे धमकी देताना दिसत आहे. ‘जर आम्ही जागे झाले तर तुम्ही वाचणार नाही’ अशी धमकी त्याने दिली आहे.
अमेरिकन मुस्लिमांना आणि त्याच्या साथीदारांना सांगत आहे की अमेरिकन राष्ट्राध्यक्ष डोनाल्ड ट्रम्प, उपराष्ट्रपती जेडी व्हान्स आणि एलॉन मस्क दिसतील तिथे त्यांना गोळ्या घाला. अमेरिकेत मुस्लिमांची संख्या इतकी वाढली आहे की जर ते जागे झाले तर हे तिघेही वाचू शकत नाहीत. यासोबतच, तो इतर देशांच्या मुस्लिमांना या युद्धात त्याला पाठिंबा देण्यास सांगत आहे.
अल कायदाच्या या दहशतवादी कमांडरचे नाव साद मोहम्मद आतिफ उर्फ साद बिन आतिफ अल-अवलाकी आहे. तो अल कायदाचा एक वरिष्ठ कमांडर आहे. खालिद अल बत्रासीच्या अचानक मृत्यूनंतर त्याला कमांडर बनवण्यात आले. अमेरिकेने त्याच्या डोक्यावर 60 लाखांचे बक्षीसही ठेवले आहे.आतिफच्या नेतृत्वाखाली अल कायदाने अमेरिकेत दहशतवादी हल्ल्याची योजना आखली आहे. अल कायदा अशा धमक्या तेव्हाच देतो जेव्हा त्याची तयारी पूर्ण होते किंवा पूर्ण होण्याच्या मार्गावर असते. या धमकीनंतर एफबीआय, सीआयए आणि होमलँड सिक्युरिटी डिपार्टमेंट हाय अलर्टवर आले आहेत.
Comment List