श्रीमंत देशांची यादी जाहीर; हिंदुस्थानची चौथ्या स्थानावर झेप

हिंदुस्थानची अर्थव्यवस्था जगातील सर्वात वेगाने वाढणारी अर्थव्यवस्था ठरत आहे. श्रीमंत लोकांच्या संख्येच्या बाबतीतही देशाने मोठी झेप घेतली आहे. नाईट फ्रँकच्या ग्लोबल वेल्थ रिपोर्ट-2025 मध्ये श्रीमंत देशांची यादी जाहीर करण्यात आली आहे. त्यात हिंदुस्थान चौथ्या क्रमांकावर आहे. या अहवालात प्रॉपर्टी कन्सल्टिंग फर्मने म्हटले आहे की हिंदुस्थान जागतिक संपत्ती केंद्र म्हणून उदयास येत आहे. देशातील श्रीमंत व्यक्तींची संख्या (HNWIs) 85,698 वर पोहोचली आहे. त्यामुळे श्रीमंत लोकांच्या संख्येबाबत हिंदुस्थान जगात चौथ्या क्रमांकावर आला आहे.

अहवालानुसार आता श्रीमंत लोकांच्या संख्येच्या बाबतीत हिंदुस्थानच्या पुढे तीन देश आहेत. त्यात अमेरिका पहिल्या क्रमांकावर आहे, तर चीन दुसऱ्या क्रमांकावर आहे. जपान तिसऱ्या क्रमांकावर आहे. देशातील श्रीमंत लोकांची संख्या सतत वाढत आहे. नाईट फ्रँकचा नवीन अहवाल याचे एक उदाहरण आहे. हिंदुस्थानच्या अर्थव्यवस्थेची गती अशीच वाढणार आहे. 2028 पर्यंत देशातील अतिश्रीमंत व्यक्तींची संख्या HNWIs 93,758 पर्यंत वाढण्याचा अंदाज वर्तवण्यात आला आहे

अब्जाधीशांच्या बाबतीत हिंदुस्थान जगात चौथ्या क्रमांकावर आला आहे. देशातील अब्जाधीशांची संख्याही अनेक मोठ्या देशांपेक्षा जास्त आहे. अहवालानुसार 2024 मध्ये, जेशात अब्जाधीशांची संख्या 191 वर पोहोचली आहे, ज्यामध्ये वार्षिक आधारावर 12% वाढ झाली आहे आणि या अब्जाधीशांची एकत्रित संपत्ती 950 डॉलर अब्ज आहे.