हिंदुस्थानी अंतराळवीर शुभांशू शुक्ला यांना अंतराळात नेण्यासाठीची मोहीम पुन्हा एकदा पुढे ढकलण्यात आली आहे. अ‍ॅक्सिओम प्रक्षेपण रॉकेटमध्ये तांत्रिक बिघाड आढळल्याने त्याच्या दुरुस्तीसाठी ही मोहीम पुढे ढकलण्यात आली आहे. स्पेसएक्सने फाल्कन 9 रॉकेटमधील तांत्रिक बिघाड असल्याचे सांगितले, त्यामुळे ही मोहीम पुढे ढकलण्याचा निर्णय घेण्यात आला आहे. अ‍ॅक्सिओम-4 मोहिमेचे प्रक्षेपण बुधवारी पाचव्यांदा पुढे ढकलण्यात आले आहे. प्रक्षेपणाची नवीन तारीख अद्याप निश्चित झालेली नाही.
उद्याच्या अ‍ॅक्स-4 च्या फाल्कन 9 लाँचपासून @Space_Station वर थांबवण्यात आहे. त्यामुळे स्पेसएक्स टीमना पोस्ट स्टॅटिक फायर बूस्टर तपासणी दरम्यान आढळलेल्या LOx गळतीची दुरुस्ती करण्यासाठी वेळ मिळेल. आवश्यक ती सर्व दुरुस्ती झाल्यानंतर आम्ही नवीन प्रक्षेपण तारीख जाहीर करू करू, अशी माहिती देण्यात आली आहे. ही मोहीम अ‍ॅक्सिओम स्पेस इंक, नॅशनल एरोनॉटिक्स अँड स्पेस अॅडमिनिस्ट्रेशन (नासा) आणि इंडियन स्पेस रिसर्च ऑर्गनायझेशन (इस्रो) यांनी संयुक्तपणे हाती घेतली आहे. चाचणी रॉकेटमध्ये ऑक्सिजन गळती आढळून आली. त्यामुळे मोहीम पुढे ढकलण्यात आली आहे.
फाल्कन 9 लाँच व्हेईकलच्या बूस्टर स्टेजच्या कामगिरीची पडताळणी करण्यासाठी प्रणोदन वाहनाच्या तयारीचा एक भाग म्हणून प्रक्षेपण पॅडवर सात सेकंदांची एक चाचणी घेण्यात आली. चाचणी दरम्यान प्रणोदन प्रणालीत LOX गळती आढळून आल्याचे समजते. इस्रो टीमने अ‍ॅक्सिओम आणि स्पेसएक्सच्या तज्ञांसोबत या विषयावर केलेल्या चर्चेच्या आधारे, प्रक्षेपणासाठी परवानगी देण्यापूर्वी गळती दुरुस्त करण्याचा आणि आवश्यक पडताळणी चाचणी करण्याचा निर्णय घेण्यात आला आहे. म्हणूनच शुभांशू शुक्ला यांना अंतराळात पाठवण्याच्या 11 जून 2025 रोजी होणारे अ‍ॅक्सिओम 4 चे प्रक्षेपण पुढे ढकलण्यात आले आहे, अशी माहिती इस्रोचे अध्यक्ष डॉ. व्ही. नारायणन यांनी एक्सवर दिली आहे.
या मोहिमेद्वारे मंगळवारी उड्डाण करण्यात येणार होते. मात्र, खराब हवामानामुळे मोहीम पुढे ढकलण्यात आली होती. आता तांत्रिक बिघाडामुळे ही मोहीम पुढे ढकलण्यात आली आहे.
Comment List