सात जन्माचे नाते… पतीची हत्या केल्यानंतर सोनमने त्याच्या सोशल मीडियावर टाकली पोस्ट

मेघालयमधील शिलाँग येथे हनीमूनसाठी गेलेल्या राजा सुर्यवंशी याची त्याची पत्नी सोनमने हत्या घडवून आणल्याचे समोर आल्यानंतर संपूर्ण देश हादरला. लग्नाच्या अवघ्या बारा दिवसानंतर सोनमने तिच्या पतीची बॉयफ्रेंडसोबत मिळून राजा सुर्यवंशीची हत्या केली. आपल्या पतीची डोळ्या देखत हत्या झाल्यानंतर सोनमने त्याच्याच फोनवरून सोशल मीडियावर त्यांचा एक फोटो शेअर करत त्या सोबत ‘सात जन्माचे नाते’, अशी पोस्ट शेअर केली होती. पोलीस तपासात आता नवनव्या गोष्टी समोर येत आहेत.

सोनमने राजासमोरच सांगितले की मारून टाका याला

हत्येच्या दिवशी सोनम राजाला घेऊन फोटोशूटच्या बहाण्याने शिलाँगच्या जंगल भागात गेली होती. तिथे चालून दमलेय असे दाखवत ती राजाच्या मागे मागेच चालत होती. दरम्यान ज्यावेळी तिघे मारेकरी राजाच्या आजूबाजूला आले तेव्हा ती राजासमोरच जोरात ओरडली की मारून टाका त्याला. त्यानंतर आरोपींनी राजावर कुऱ्हाडीने वार करत त्याची हत्या केली.

सोनमने घेतले ड्रग्ज

राजाची हत्या केल्यानंतर आपल्याला ड्रग्ज देऊन पळवून नेले असा खोटा कांगावा करण्यासाठी सोनमने स्वत: ड्रग्ज घेतल्याचे समोर आले आहे. सोनम जेव्हा गाझीपूरमध्ये सापडली तेव्हा ती ड्रग्जच्या नशेत होती, असे तेथील पोलिसांनी सांगितले.