ICICI, HDFC चा ठेवीदारांना दणका; व्याजदरात केली कपात

RBI ने रेपो दराबाबत मोठी घोषणा करत कर्ज घेणाऱ्यांना मोठा दिलासा दिला आहे. त्यानंतर इतर बँकांनाही रेपो दरात बदल करावे लागणार आहे. त्याचा फायदा कर्ज घेणाऱ्यांना होणार आहे. तर मुदत ठेवींमध्ये गुंतवणूक करण्याचा विचार असलेल्यांना या फटका बसणार आहे. रेपो दरातील बदलामुळे मुदत ठेवींवर कमी व्याज मिळणार आहे. देशातील ICICI आणि HDFC या बँकांनी त्यांच्या MCLR दरात कपात करण्याचा निर्णय घेतला आहे.

ICICI आणि HDFC बँकांनीने त्यांच्या MCLR दरात कपात करण्याची घोषणा केली आहे. खाजगी क्षेत्रातील HDFC बँकेने त्यांचे कर्ज दर MCLR मध्ये 10 बेसिस पॉइंटने कपात केली आहे. आता 3 वर्षांच्या कालावधीसाठी 8.90% ते 9.10% यादरम्यान आहे. आयसीआयसीआय बँकेने 3 कोटी रुपयांपर्यंतच्या ठेवींवर व्याजदर 10 ते 35 बेसिस पॉइंट्सने कमी केले आहेत. त्यामुळे मुदत ठेवींवर आता कमी व्याज मिळणार आहे.

आयसीआयसीआय बँक आता 271 दिवस ते 1 वर्ष कालावधीच्या ठेवींवर 5.75% व्याज देत आहे. जे पूर्वीपेक्षा 25 बेसिस पॉइंट्सने कमी आहे. 18 महिने ते 2 वर्ष कालावधीच्या ठेवींवरील व्याजदर 35 बेसिस पॉइंट्सने कमी होऊन तो 6.50% झाला आहे. 5 वर्षे ते 10 वर्ष कालावधीच्या ठेवींवरील व्याजदर 10 बेसिस पॉइंट्सने कमी होऊन 6.60०% झाला आहे. याशिवाय एफडीचा व्याजदर 15 बेसिस पॉइंट्सने कमी झाला आहे, जो आता 6.60 टक्के आहे.