बांगलादेशमध्ये अराजकतेचे सावट! राजधानीच्या मुख्य भागात निदर्शनांवर अनिश्चित काळासाठी घातली बंदी

बांगलादेशच्या अंतरिम सरकारचे मुख्य सल्लागार मुहम्मद युनूस यांनी अलिकडेच देशांतील पुढील राष्ट्रीय निवडणुकीची घोषणा केली आहे. यामुळे विरोधी पक्षाकडून याला तीव्र विरोध केला जात होता. आता विरोधी पक्षासोबतच सरकारी कर्मचारी, शिक्षक युनूस सरकारविरोधात रस्त्यावर उतरले आहे. त्यामुळे देशात तणापूर्ण परिस्थिती निर्माण होण्याची चिन्हे आहेत. अशा परिस्थितीत, ढाका महानगर पोलिसांनी (DMP) राजधानीच्या मुख्य भागात सर्व सार्वजनिक सभा, मिरवणुका आणि रॅलींवर अनिश्चित काळासाठी बंदी घातली आहे.

द डेली स्टारच्या वृत्तानुसार, सोमवारी पोलिसांनी मोहम्मद युनूस यांचे अधिकृत निवासस्थान जमुना गेस्ट हाऊस, बांगलादेश सचिवालय आणि आजूबाजूचा परिसर पूर्णपणे सील केला. गेल्या अनेक आठवड्यांपासून ढाका सचिवालयात सुरू असलेल्या निदर्शनांमुळे ही सुरक्षा कडक करण्यात आली आहे.

सरकारी कर्मचाऱ्यांनी अध्यादेशाविरुद्ध निषेध

युनूस सरकारने सरकारी कर्मचाऱ्यांसाठी एक अध्यादेश जारी केला. यामध्ये कोणत्याही कर्मचाऱ्याला ‘गैरवर्तनाच्या’ आरोपाखाली कोणत्याही योग्य प्रक्रियेशिवाय14 दिवसांच्या आत कामावरून काढून टाकले जाईल. युनूस सरकारने आणलेल्या अध्यादेशाविरुद्ध सरकारी कर्मचारी निषेध व्यक्त करत आहेत. या कायद्याला सरकारी कर्मचाऱ्यांना अवैध काळा कायदा’ म्हटले आहे आणि तो तात्काळ मागे घेण्याची मागणीही केली आहे. यासाठी कर्मचाऱ्यांनी रस्त्यावर उतरून निषेध व्यक्त केला. त्यामुळे देशात तणापूर्ण परिस्थिती निर्माण झाली.आणि यासाठी पोलिसांनी मोठी निर्णय घेतला.

डीएमपी आयुक्त एसएम सज्जत अली यांनी या बंदीवर स्पष्टीकरण दिले आहे. राजधानीच्या या भागात निदर्शनांवर घातलेली बंदी ही ‘जनतेच्या हितासाठी आणि मुख्य सल्लागार (मोहम्मद युनूस) यांच्या सुरक्षिततेसाठी’ लागू करण्यात आली आहे. यापूर्वी, 10 मे रोजी सरकारने बांगलादेश बॉर्डर गार्ड (बीजीबी) आणि पोलिसांच्या विशेष युनिट्स (एसडब्ल्यूएटी) तैनात करून सरकारी इमारतींची सुरक्षा कडक केली आहे, असे ते म्हणाले.

Bangladesh Election Update – बांगलादेशात निवडणूकांचे बिगुल वाजणार; मोहम्मद युनूस यांनी तारीखच सांगितली