सांगली पालिकेचे उपायुक्त वैभव साबळे यांना अटक, लाच मागितल्याने कारवाई

इमारतीचा बांधकाम परवाना मंजूर करण्यासाठी सात लाखांची लाच मागितल्याप्रकरणी सांगली मनपाचे उपायुक्त वैभव साबळे यांच्यावर लाचलुचपत प्रतिबंधक विभागाने कारवाई केली. विश्रामबाग पोलिसांनी गुन्हा दाखल करून त्यांना ताब्यात घेतले आहे. या कारवाईनंतर पथकाने साबळे यांच्या घरावर छापा टाकून झाडाझडती घेतल्याची माहिती आहे. या तक्रारीत महापालिकेचे तत्कालीन आयुक्त शुभम गुप्ता यांचेही नाव असल्याची चर्चा आहे.

तक्रारदारांच्या कंपनीमार्फत शहरातील एका परिसरात 24 मजली इमारत बांधण्याचा प्रस्ताव होता. बांधकाम परवाना मंजूर करण्यासाठी साबळे यांनी दहा लाखांची मागणी केली होती. तडजोडीनंतर सात लाख रुपयांची मागणी केल्याचे निष्पन्न झाले. यानंतर वैभव साबळे यांनी लाचेची रक्कम मात्र स्वीकारली नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.