विनय नरवाल यांच्या पत्नीचा अश्लील AI व्हिडीओ बनवून युट्यूबवर केला अपलोड, बाप-लेकाला बेड्या

पहलगाम येथील दहशतवादी हल्ल्यात मृत्यूमुखी पडलेले नौदलाचे अधिकारी विनय नरवाल यांच्या पत्नीचा अश्लील AI व्हिडीओ बनवून व्हायरल केल्याची खळबळजनक घटना उघडकीस आली आहे. याप्रकरणी पिता-पुत्राला पोलिसांनी बेड्या ठोकल्या आहेत. हरियाणा पोलिसांनी बिहारमधून आरोपीच्या मुसक्या आवळल्या. मोहिबुल हक आणि गुलाब जिलानी अशी अटक केलेल्या आरोपींची नावे आहेत.

आरोपींनी चेहरा मॉर्फ करुन नरवाल यांच्या पत्नीचा अश्लील व्हिडिओ बनवला. हा व्हिडिओ एसएस रियल पॉईंट नावाच्या युट्यूब अकाऊंटवर अपलोड केला. याप्रकरणी गुरुग्राम सायबर पोलीस ठाण्यात गुन्हा दाखल करण्यात आला होता. पोलिसांनी तांत्रिक मदतीने आरोपींचा शोध घेत बिहारच्या गोपालगंज पोलिसांच्या मदतीने आरोपींची गठडी वळली.

पोलीस चौकशीत आरोपींनी याआधीही असे व्हिडिओ बनवून युट्यूबवर अपलोड केल्याचे समोर आले आहे. या प्रकरणी आणखी आरोपींचा सहभाग आहे का याबाबत पोलीस तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.