शेअर बाजारातील गुंतवणूकदारांसाठी पुढील आठवडा खास ठरणार आहे. नवभारत टाइम्सच्या वृत्तानुसार, पुढील आठवड्यात चार नवीन इनिशियल पब्लिक ऑफरिंग्सची (IPO) बाजारात एण्ट्री होणार आहे. याचबद्दल अधिक माहिती जाणून घेऊ…
Oswal Pumps
ओसवाल पंप्स ही एक वॉटर पंप उत्पादक कंपनी आहे. याचा आयपीओ 13 जून ते 17 जून पर्यंत खुला असेल. तो मेनबोर्ड सेगमेंटमध्ये लिस्टेड असेल. याचे शेअर्स बीएसई आणि एनएसई दोन्हीवर लिस्टेड असतील. आयआयएफएल कॅपिटल या आयपीओचे व्यवस्थापन करत आहे. कंपनीने अद्याप याच्या किंमतबद्दल कोणतीही माहिती दिलेली नाही. कंपनी लवकरच त्याची घोषणा करेल.
Sacheerome IPO
सचीरोम ही एक केमिकल उत्पादक कंपनी आहे. तिचा आयपीओ 9 जून रोजी उघडेल आणि 11 जून रोजी बंद होईल. याच्या शेअर्सची किंमत 96 – 102 रुपयांच्या दरम्यान असेल. कंपनीला 61.62 कोटी रुपये उभारायचे आहेत. याचे शेअर्स एनएसई एसएमई प्लॅटफॉर्मवर लिस्टेड केले जातील. जीवायआर कॅपिटल अॅडव्हायझर्स या आयपीओचे व्यवस्थापन करत आहे.
Jainik Power and Cables
जैनिक पॉवर अँड केबल्सचा आयपीओ 10 जून रोजी उघडेल आणि 12 जून रोजी बंद होईल. याच्या शेअर्सची किंमत 100 ते 110 रुपयांच्या दरम्यान असेल. कंपनी 51.30 कोटी रुपये उभारू इच्छिते. हा आयपीओ एनएसई, एसएमई प्लॅटफॉर्मवर येईल. फास्ट ट्रॅक फिनसेक या आयपीओचे व्यवस्थापन करत आहे. ही कंपनी पॉवर केबल्स आणि वायरिंगचे उत्पादन करते.
Monolithisch India
मोनोलिथिश इंडिया ही एक इंजिनिअरिंग कंपनी आहे. ही कंपनी 12 जून रोजी आपला आयपीओ आणत आहे. कंपनीचे उद्दिष्ट 82.02 कोटी रुपये उभारण्याचे आहे. याच्या शेअर्सची किंमत 135 ते 143 रुपयांच्या दरम्यान असेल. हा आयपीओ 16 जून रोजी बंद होईल. याचे शेअर्स एनएसई, एसएमई प्लॅटफॉर्मवर लिस्टेड केले जातील. हेम सिक्युरिटीज या आयपीओचे व्यवस्थापन करत आहे.
डिस्क्लेमर: वरील बातमी फक्त माहितीच्या उद्देशाने आहे. याचा ‘सामना ऑनलाईन’ कोणताही संबंध नाही. बातमीतील माहिती सामान्य स्वरूपाची असून, गुंतवणूक किंवा अन्य निर्णय घेण्यापूर्वी तज्ज्ञांचा सल्ला घ्यावा.
Comment List